布達佩斯男孩: （一）
（一）
Hello, 我係啊MAY，我係《布達佩斯男孩》嘅女主角。 「你要搞清楚自己人生嘅劇本：你唔係你父母嘅續集，唔係你仔女嘅前傳，更加唔係你朋友嘅外篇。」－尼采。
所以依個故事，唔係我朋友李家欣嘅外篇，而係啊MAY──我嘅故事。 由我睇哈利波特－神秘的魔法石 開始，我就決心要嫁
比哈仔，小學一年級𠴱陣我就 幻想過去英國搵佢，同佢係KINGCROSS火車站相遇，然後佢帶我同佢一齊係3/4月 台穿牆，坐
火車去翟格華茲學魔法，係火車到食好多古靈精精嘅糖。 有一集，哈仔個初戀女朋友張秋出現左，然後我D小學同學話我生得
似 張秋。於是間唔中我會FF自己就係啊張秋小姐，然後哈仔約我去BALL。
當然今年芳齡20歲嘅我已經打消左依個咁傻豬嘅念頭。最後我冇去到英國搵哈仔、冇去過KINGCROSS 個3/4月台、
冇搭到去翟格華茲班車，反而去左奧地利Exchange。
「下一站維也納火車西站」列車廣播。
維也納火車站有幾個站，分別有南站、西站同中央火車站。
我住嘅地方近西站多D，所以就係𠴱到落車。
我拖住兩個大行李（又或者講話係兩個行李拖住我至岩）仲揹住一個大約
60L嘅BACKPACK，要轉多程電車先返到屋企。
好記得𠴱日落車已經係中午，陽光好猛，好鬼熱。
應該有成30 度高溫，即使我著左背心短褲，都係大汗滴細汗。
兩個行李拖住我返屋企嘅時候，真係熱到我PK。
我一路拎住張地圖一路搵我間屋，步步艱辛。
「維也納係奧地利首都、奧地利最大嘅城市；官方語言：德文；維也納擁有全世界
最老的木製摩天輪⋯⋯⋯⋯」一本介紹維也納嘅旅遊書上面寫住。自從決定左去維也納
EXCHANGE之後，我做左好多Research，又自己搵埋住嘅屋，因為我信唔過𠴱邊大學
幫我搵嘅宿舍，最後我搵左一間近火車西站嘅兩人Share apartment。
「好YEAH！終於都搵到我間屋！」我好似隻倉鼠咁圍住幢Building兜左好多個圈，終
於都搵到個門口，𠴱下真係開心到大叫出黎。
我用鎖匙打開左大廈道鐵門，即刻拉住兩個行李入去禁LIFT。
成幢樓有7層，我住係三樓，每層有兩個單位，外型係四四方方白色嘅現代式建築。
上到三樓之後，我準備用鎖匙開門，仲未開到嘅時候，就有個女仔幫我開左門。
佢就係我打後一年嘅Flatmate，佢個名叫Sofia，19歲奧地利
女仔、藍眼睛，有一把金色嘅及肩直髮，又高又瘦，好靚女，
我地之後做左好朋友。
“Grüß Gott” (你好)佢一見到到我就用好友善嘅笑容同我打招呼，
仲同我黎左個擁抱，睇黎佢好期待左好耐見到佢個新室友。
佢好快就幫手我將D行李拎晒入屋。
“Danke! (唔該)” 我同佢講。
一入屋就見到客廳同飯廳，左邊擺左一個電視機櫃同埋一張白色沙發，
沙發後面道牆掛左一塊好大嘅紅白色奧地利國旗，
沙發格離就係露台；右邊𠴱部分擺左一張四人正方型食飯檯。
跟住Sofia帶我去我間睡房，睡房冇乜特別，一個窗、一張床、一張書檯同一個衣櫃，
床嘅格離有一個暖爐。
之後佢仲帶我行一轉成間屋，我先發現到屋入面有隻白色貓，
原來Sofia係佢外婆屋企接左隻貓黎養，係一隻老貓，佢同我講隻貓已經15歲高齡。
我地間屋有兩間睡房、一個浴室、一個廁所（奧地利廁所同浴室係分開），仲有一個開
房式廚房、一個露台，露台有張二人檯，Sofia 話一齊係露台到食早餐好正，
係我地屋企露台望落去係一個花園，有草地、大千秋同係到住
嘅鄰居嘅小朋友擺係花園嘅玩具車同鏟沙工具。
我好滿意自己搵嘅依嘅單位，因為我住既區係住宅區，環境幽靜。
樓下有一個好大嘅公園，公園入面有一片好大嘅草地同埋一個湖，夏天嘅時候可以
係𠴱到游水。
好好彩我個Flatmate Sofia 係一個好NICE嘅女仔，𠴱日佢煮左Lunch比我食，下就
佢同我去左市中心到食雪糕，我好鍾意歐洲嘅雪糕店，每到一個歐洲城市，我都會食
一次雪糕，雪糕店入面七彩繽紛嘅雪糕令我睇到都覺得開心。
我同Sofia係歌劇院附近一路行一路食雪糕。每次同佢講野，我好鍾意望住佢對藍眼
睛，佢眼睛嘅顏色係好清澈嘅湖水藍，可以好清楚咁望到佢嘅瞳孔，有種好似睇穿佢
諗緊咩嘅感覺。夏天嘅歐洲，差唔多10點先日落，日落之後，我同Sofia 先搭車
返火車西站再轉電車返屋企，電車要搭大約10分鐘先到屋企，電車沿路會經過
維也納技術博物館，博物館嘅門口，有一個同成間博物館一樣大嘅巨型深藍色牌，
用德文寫住Technisches Museum Wien, 電車沿途我印象最深刻就係依個站，
𠴱個好大嘅牌亦都提醒左我下個站就要落車。
──────────────────────
𠴱一晚係第一晚係維也納，布達佩斯男孩Massage我，問我Settle down 未、
覺得維也納點啊之類嘅問題，佢好擔心我一個人要拎住咁多行李搵屋，同埋一個女仔
周圍走會有危險又成。不過其實我慣左一個人周圍走，一個人去旅行。
𠴱晚我HEA應左佢幾句就冇同佢講落去。
我忙住將行李入面D野逐D逐D咁拎返出黎，將D衫擺去衣櫃，同埋將我D德文書同旅遊書擺去
書檯，黎緊9月我要係大學到上德文暑期班，所以都帶左D德文書黎。
執執下，先見到今朝早，布達佩斯男孩送比我𠴱隻PANDORA，我求其將佢收埋
入櫃桶。
執完野之後，我呼左一大口氣，然後達左落張床到，合埋眼，一覺就訓到天光。
慢慢，我將M記包同PADORA忘記得一乾二淨。