我係LKF做Party Girl: （九）L-o-l-i-t-a
23.
係巴黎既每一日，都過得好開心，每一日都有A生做導遊。
7月10號，歐盃總決賽，有好多人去左市中心個大螢幕到睇波，
我地兩個都唔例外，好嘈雜嘅街道、好瘋癲嘅人，睇波姐，洗唔洗激動到咁啊。
緊記著衫千其唔好著錯色，如果唔係就大件事。。。。
7月11號，歐盃決賽隔日既朝早，
我地搭早機返香港。
A生因為法國輸左比葡萄牙而好唔開心。
─────────────────────
半個月既假期咁就過左去，返到香港又要面對現實，
童話一般既巴黎之旅咁就完左，我仲係好想繼續係巴黎。。。
一返到黎香港，一入門口，就比我啊媽散到上天花板。點解？
我唔撚知佢係咪更年期，見我冇返屋企半個月就話我離家出走，有毛有翼曉飛。
屌，佢都ON鳩嘅，咁大個人唔返屋企有幾閒姐。。。
然後我索性行李都唔鬼執，拎埋行李衝出去門口。
好自然咁樣去左搵A生屋企，冇辦法之中嘅辦法。
就係咁樣我住左係A生嘅屋企。
一個星期之後A生要出TRIP，佢比低左鎖匙同埋門卡我，就走左。
佢話都要離開成一個月咁耐，間屋就比我住住先，當自己屋企咁樣就得架LA。
有一個星期日早上，唔洗返工嘅一個早上。
好悠閒，住係到好過住係屋企多好多。
地毯隔離有個書櫃，上面擺左好多書，多數都係英文。
突然間心血來潮好想睇下D書，每一本書好整齊咁放係書格到。
書脊上寫住左一D潦草嘅英文字母，
「L－O－L－I－T－A」，我拎左一本書出黎，
因為比書脊上面寫畫住左既一幅畫住少女著住紅色Bikini吸引住。
我抽左依本書出黎，係沙發到坐低左。
打左左書嘅第一頁，書既第一頁寫住
“light of my life,fire of my loins my sin my soul.”
A生係巴黎嘅時候臨訓前好似同我講過依句野。
“Light of my life, fire of my loins.” 好奇心驅使之下，
我用Google Translate 一路查字典，一路睇依本書。
「羅莉塔，我的生命之火 我的欲望之光 我的罪孽 我的靈魂。」
我坐係沙發到睇依本書，睇到去黃昏。
《羅莉塔》講述一個14歲嘅男仔，初戀女朋友病死左⋯⋯
佢對𠴱位女朋友念念不忘，從此以後，佢剩係鍾意𠴱一個年齡既女仔。
之後老男人遇上Lolita，展開熱烈嘅追求，用錢去利誘心智未成熟，
不過身體早熟嘅Lolita。
老男人有強烈嘅控制慾，想要操控Lolita嘅人生，搞到蘿小姐最終頂唔順走左路。
依個男人冇可能永遠都14歲，而佢鍾意嘅女仔永遠都係細路女，
所以佢⋯⋯亦都變左戀童癖嘅另一個代名詞。
我係到諗，個故事點解咁鬼似我同A生嘅？
突然之間有D心寒，不其然咁打左個冷震。
望出露台，原來已經日落西山喇，依間屋原來係向西，係沙發望出去粒咸蛋黃好清
晰，好靚。
聽JC講，日落嘅陽光可以醫抑鬱，唔知係咪真架呢。
我企起身，開左通往露台嘅玻璃門，望住個粒咸蛋，有D振眼，我伸起右手用手背擋
住夕陽，避免光線直接射落我對眼到。
我想比自己照下依種日落光，唔知點解，今日我心入面有一種鬱悶嘅感覺。
鬱悶嘅感覺持續好一段時間，心口好似有舊大石咁，但係又講唔出點解有依種感覺。
咸蛋黃都已經落左山，個天黑左，維港D七彩繽紛嘅燈開始一盞一盞咁著，
好似亮燈儀式咁樣。
係到住左一排，好似8點左右會有個幻彩詠香江，不過今晚我冇心情睇。
突然之間電話響起左，我望下個來電顯，竟然係我啊媽。
「喂，李家欣，我想同你傾一傾D野。」電話傳黎我媽把聲音，好陌生，
唔知由幾耐開始我地冇傾過計。
「哦，你想同我傾D咩？」我語氣好冷淡咁問佢。
「我想同你傾下你細細佬嘅問題，佢比呃左，依家好唔開心，鬧情緒，我驚佢做傻
事。」啊媽把聲變得好哀怨。
比人呃左？我即刻諗起佢𠴱個男朋友，同埋五萬蚊。
姐係佢比人騙財騙色？我個腦入面即刻有一幅畫面出左黎，
事情開始、經過、結局我好似都知發生咩事咁，
「我似家即刻返黎，你等一等我。」我同佢講完依句野，放返好本Lolita入書櫃就嗱
嗱聲狗衝左返屋企。
一入門口𠴱個畫面我諗就算過多十年，我都唔會唔記得。
我一入門口就見到我細細佬企左係窗前面嘅一張凳上面，
佢準備跳樓。
「我乜都冇架喇今次，佢走左架喇。」男人老狗，喊到咁嘅衰樣，做家姐嘅我見到都
覺得好鬼肉酸。
比仔飛姐，洗唔洗死啊？
咪住，佢比人呃？咁姐係。。。我借出去嘅5萬蚊咁就比個仆街呃左？
一諗起我問A生借嘅五萬蚊凍過水，我個突然之間心好痛。。
「你比佢電話我，我打比佢。」
終於佢肯落返黎地面。
𠴱一晚，我打左比佢個男朋友，但係冇人聽。
打左幾次之後，連電話都熄埋機。
鬧劇𠴱一晚就暫時告一段落。
翌日，橙報新聞報道
【動畫】網上情緣騙案》男同志交友apps識人 疑被騙財騙色
真相呈現，細細佬𠴱位所謂嘅男朋友專門係交友APPS到識人，
佢只係其中一個受害者，涉事嘅人有更加多，比人呃左呃金額遠遠超過5萬。
其他嘅受害者有D損失過十萬。
睇完𠴱一則新聞之後，
「當係買個教訓。」我Whatsapp 細細佬。