[前傳]是咁的，我嘅職業係幫想自殺嘅人寫遺書: 98.朋友

寫完遺書後，我就聯絡同一個畫展嘅其他畫家，想睇下邊個同bobo熟啲，從而搵到文傑嘅聯絡方法，將封遺書交俾佢。

搵咗幾個人之後，終於有一個係bobo嘅朋友。

個畫家叫曾兆瀅，同bobo同校同系。

「你叫我Katraine或者阿瀅都得。」

「你好，我叫阿金，係bobo封遺書嘅代筆，有啲野想問你。」





「遺書⋯⋯代筆？」電話對面把聲有少少錯愕。

「係，我想問吓你知唔知點可以搵到——」

我都未講完，阿瀅就一野爆發轟咗落我耳仔度：「我屌你老母！！！！！！！！！點撚解你明知佢會自殺都唔阻止佢呀！！！！！！！！！！！」

耳膜差啲穿。

嘟——嘟——





仲cut埋線⋯⋯唉，都無辦法嘅。