[前傳]是咁的，我嘅職業係幫想自殺嘅人寫遺書: 70.衝動與願望

「咁點解你要拖到而家先決定自殺？」

「因為我唔想自己嘅決定，係基於一時衝動先做。」

「吓？」

如果要自殺，應該係啱啱分手，最傷心嗰段時間尋死先合理。

「啱啱分手嗰日，我試過拎刀對住手腕，但最後無落手。」





深思熟慮之後嘅自殺，真係做得到架咩？

「因為我知道嗰陣時想死，只係衝動。」

「咁而家呢？」

「經過時間沉澱，我就知，文傑係我嘅世界。佢離開我之後，我嘅世界已經迎接咗末日。」

bobo微笑住望向漸凍嘅檸檬茶。





而家想死，係願望。