紙言

[前傳]是咁的，我嘅職業係幫想自殺嘅人寫遺書: 69.好掛住你





bobo每日都會望吓文傑仲有無上線，然後又會想send一句：「我好掛住你。」俾佢，但佢始終無咁做。

一日一日忍耐，每日都想講，但每日都無講。

見到文傑「在線上」嘅時候，bobo就會對手機講一句：「我好掛住你。」

「在線上」消失。

「我真係⋯⋯好掛住你⋯⋯」即使有通訊設備，思念都傳達唔到去上咗鎖嘅心靈之中。





所以bobo只可以每晚縮喺被鬥入面，撫摸手機殼嘅坑紋，重複無人聽到嘅自語。

好掛住你⋯⋯我好掛住你⋯⋯