[前傳]是咁的，我嘅職業係幫想自殺嘅人寫遺書: 35.見到你笑

望向靜思，佢無睇天幕，而係少少擰開面，唔望我。

嗰陣時，你諗緊咩？

我伸出手，微微用力將佢塊面擰過嚟。

「你好似忍者龜呀。」佢唔講都唔記得，我地戴住3D眼鏡。

「忍者龜頭很大。」

靜思忍唔住笑出嚟，一個粉拳打落嚟：「咪咁咸濕啦你。」

「咩呀，係忍者龜，頭很大。個逗號喺中間架，你就咸濕。」

「兒子生性病母感安慰啲friend？」

我地兩個一齊笑，其實笑乜，連自己都唔太清楚原因。

可能因為見到你笑，我就想笑。