[前傳]是咁的，我嘅職業係幫想自殺嘅人寫遺書: 34.再無感覺

我記得嗰日我地第一次出街，係因為靜思話科學館有恐龍展覽，死都要我陪佢睇。

睇完恐龍展佢仲未心息，就跑去太空館話要睇嗰啲天幕劇場，嗰日上映套片係講企鵝。

手掌喺凳柄交疊。軟林林嘅手背搽咗護手膏，所以好潤。

第一次拖手嘅感覺，原來係咁樣。

由幾時開始，我地習慣咗手拖手嘅觸感？

習慣到，兩隻手就算分開，都再無感覺？