[前傳]是咁的，我嘅職業係幫想自殺嘅人寫遺書: 27.mocha
並唔係想得到救贖，只係純粹想喺最後，有個人聽完自己嘅故事，可以接受佢自殺嘅選擇。
只係咁簡單嘅最後拯救，我都無辦法俾到依個女仔。
「係咩令你覺得佢咁重要？重要到你認定佢就係你嗰棵唯一嘅樹？」
bobo到而家都未飲過一啖檸檬茶，白煙變得愈嚟愈透明，難以睇得清。
原來，你由一開始就無諗過要飲杯熱檸茶。
你只係想拮檸檬、撈起佢地放喺碟邊，幻想嗰個人仍然喺你身邊幫你咁做。
「你願唔願意⋯⋯聽我嘅故事？」
我望一望自己杯mocha，一啖都無飲。
我地都一樣。