紙言

[前傳]是咁的，我嘅職業係幫想自殺嘅人寫遺書: 26.無能力





靜思，你應該有睇到金弦自殺嘅新聞，點解連一句問候都無呢？

唔通我同你拍拖兩年嚟嘅快樂，都唔值得你喺我親人離開依個世界嘅時候，慰問我一句？

我同bobo面對面，但腦入面諗緊嘅全部都係另一個人。

我有我嘅靜思，佢有佢嘅男朋友。

兩個唔肯放過自己嘅人，理應互相了解，但直到最後，bobo都不被理解。





因為我無能力睇穿佢一次又一次，力竭聲嘶嘅無聲求救。