[前傳]是咁的，我嘅職業係幫想自殺嘅人寫遺書: 17.熱檸茶

「你今年幾大？」

「二十歲。」

「估唔到你細我一年。我仲以為幫得人寫遺書嘅實係老人家。」

都相差唔遠，我喺網上測過心智年齡話我成六十歲，頂佢個肺。

由於唔知會坐幾耐，我就提議大家買杯野飲先傾，廢是齋坐霸住個位。

我買咗杯mocha，佢要咗杯熱檸檬茶。

我見佢篤完啲檸檬，就用匙羹撈起佢地，放喺碟邊，然後先加糖攪拌。

第一次接客都唔知點樣入手好，唯有講吓依樣野當開話題：「好特別喎，依種飲法。」