[前傳]是咁的，我嘅職業係幫想自殺嘅人寫遺書: 16.我嘅職業係幫人寫遺書

我望向出聲嘅女仔，戴住黑色粗框眼鏡，五官精緻，鼻好高好挺，有啲似混血兒。黑色長髮，年紀應該同我差唔多大。

佢皮膚偏白，令面上嘅黑眼圈更明顯。

「你無教好訓？」

「呃⋯⋯」bobo初頭有啲訝異，但好快摸一摸自己嘅黑眼圈，就向我點頭。

「你好眼利。」

「係你黑眼圈太大。」

bobo扁一扁嘴，又問：「咁你係咪阿金？」

我伸出手，示意佢坐低。

「你就係bobo？」

佢點點頭。

「你好，我係阿金。」

我嘅職業係幫人寫遺書。