時空之門: 沉船?!

我: 不如我地叫D酒上黎飲下一齊傾下計?
Amy媽: 好，不過少少好啦，我唔想飲太多
我: 放心，冇問題，我都唔係好飲得
 
跟住Amy媽就入去沖涼，而我就打電話落去安排酒同少少小驚喜。
 
Amy媽: 我搞掂啦wo，你可以去沖啦
 
我諗大家都認同剛沖完涼既女仔既吸引力同殺傷力係加倍既，望住Amy媽剛沖完涼，只係著住一件T-Shirt同短褲，頭髮仲係濕濕地，果一刻細佬仔真係即時有反應，但我知道心急對事情發展並冇任何正面既幫助，我抑壓住自己既慾望，入去沖個凍水涼等自己冷靜下..
 


沖完涼，打完電話落reception講之前order既野可以拎上黎後，一出到房就見到Amy媽係度睇電視笑到騎騎聲，果一刻我只係覺得其實佢同所有女仔一樣，都有好純好天真既一面。正當我諗緊一陣應該點去享受時。「叮噹~」酒店已經將我預訂既酒，花同朱古力送到上黎。當Amy媽望到我為佢預備既野時，佢個表情由頭先笑騎騎到眼泛淚光
 
我: 我第一次送花俾女仔，希望你鍾意啦
Amy媽: 你係第一個送花同朱古力俾我既男人，多謝你
 
Amy媽由本身眼泛淚光變到喊到完全收唔到聲。
 
我: 做咩事呀? 係咪我做左D咩你唔鍾意既野呀? 對唔住呀，我只係想令你開心...冇諗過會搞到咁...
Amy媽: 唔關你事，我真係好開心感動。我估唔到你會咁...一開始你叫我陪你去賭錢，我當你同其他麻甩佬一樣都係想包我出去，雖然我開始都唔多想，但見你咁爽手，唔想得罪你呢個大客所以都陪你。但之後相處左一陣，我覺得你好尊重我，到之後食一齊食牛雜粥時，我更加覺得我地既關係好似朋友咁...但之後你又俾暗示我要我今晚陪你，我又覺得你同佢地都係一樣..諗住今晚陪完你就算。但當我見到你買左花同朱古力俾我，我一方面好感動，另一方面好亂...
我: Sorry，我唔知道我咁樣做會令你唔開心，但係由一開始，我冇任何唔尊重你既諗法，我約你出黎，只係想單獨同你相處，更好咁了解你...因為我有D野想同你講想幫你完成...你記唔記得你問過我，點解識黎搵你...你冇講錯，係龍叔介紹既..


Amy媽: 你識龍哥?
我: 我識佢，但呢一刻既佢，並唔知我係邊個?
Amy媽: 唔明..你究竟想講D咩...
 
我慢慢咁將我首次穿越既情況同Amy媽講，望住佢一頭霧水當我吹水個樣，我知佢心入面有好多疑問
 
我: 我知我頭先講既野，有D荒謬，但黎緊我將會同你共同去經歷，之後你就會明白，但你要應承我，一陣就算你見到你任何人同事，你都唔可以同佢地有任何既交流。
 
我再次將時間同地點校返去今日早少少時間既漢口道馬會投注處，之後我拖住Amy媽隻手一齊行入時空之門。
 


「5號上呀上呀~~落鞭啦屌你」「頂住頂住~~」
 
Amy媽: 呢度邊度黎? 發生咩事?
我: 呢度係今日下晏既漢口道馬會投注處，龍叔而家係度度緊一陣果場馬欖，我一陣會行去問佢日期同場次，佢小完我一輪後，我會醒條四重彩tips俾佢，你企係呢度等我，唔好行開，我搞掂後出返黎搵你
 
我之後如常咁行去問龍叔亦如常咁俾佢小，醒左條四重彩俾佢後，我落完注後，就行返出去搵Amy。
 
龍叔: o靚仔，未走!!
 
龍叔好似第一次咁笑到四萬咁口咁叫住我
 
我: Hi阿叔，點呀，執唔少呢~~
龍叔: 生神仙，一開始都覺得你係度鳩up玩鳩我，但諗諗下財來自四方，一於搏下聽你講買10蚊貨仔玩下
我: 我都係鳩up嫁ja，見你屌我屌得咁開心，咪求其up幾隻點下你
龍叔: 屌你呀..點講都好~阿叔而家win馬，黎，阿叔請你食飯


我: 多謝晒先，但唔好意思，我而家有D野做! 如賞面既，我地留個電話，之後再一齊交流?
龍叔: 好! 阿叔我爭你一餐飯~
 
同龍叔交換左電話後，我就行返去搵Amy媽之後再一齊返返現在時空。
 
Amy媽: 頭先究竟發生左咩事?
我: 頭先我同你一齊去左今日既下晏，如果按照第一次既事情發展，龍叔會帶我黎澳門玩，之後我地就會認識。雖然而家事情發展係唔同左，但你可以試下打俾龍叔，龍叔因為我再次既出現，佢已經執左成球同埋佢而家應該知我係邊個。
 
Amy媽打完俾龍叔後，佢個表情係又驚又喜，咁又難怪，始終穿越呢味野，只會出現係小說電視電影入面，正常人首次經歷，一時三刻間又點會接受到。
 
Amy媽: 點解你要話我知?
我: 我自己都唔知點解，本身我今次再黎只係想繼續我個時空實驗同埋一親你芳澤...
Amy媽: 原來你同佢地都係冇分別
我: 我承認我一開始的確係別有用心，但，係頭先相處既時間，再加上見你睇電視時笑到騎騎聲果個樣，我只係想為你做返少少野。
Amy媽: 多謝你。


 
講真，試問一個歡場女子又點可以抵受到一個浪漫得黎又有辦法改變佢命運既男人。當我同Amy「表白」完後，佢已經咀左落黎...(待續)