時空之門: 獨自去偷歡

為左証實我所諗既野，我再次返到10月1日既漢口道馬會投注站，我照舊問龍叔日期場次，佢亦好似上兩次咁屌我，而我亦好似上次咁冇同佢講四重彩賽果，同第二次穿越唔同既係，我今次落完飛後並冇立即返到現在時空，而係自己一個人搭直升機過澳門。
 
知客: 歡迎黎到九號會所，請問先生有冇訂房?
我: 我冇訂房，但我想搵Amy媽。
知客: 咁麻煩先生等一等。
Amy媽: 老闆，我係Amy媽，請問點稱呼?
我: 我叫阿Sam (跟住拎左幾皮野出黎俾Amy媽)，麻煩幫我好好安排
Amy媽: (四萬咁口咁) 一定一定，Sam哥鍾意咩類型既靚女呢?
我: 好似你咁正既就可以
Amy媽: Sam哥放心，我呢度所有囡囡都又靚又正~~



入到房後，Amy媽就不斷咁帶囡囡入黎，但醉翁之意不在酒，我今次既目標只有一個: Amy媽，所以我都係是但咁留低左幾條囡係度過下手癮玩下算。
 
隨便係度東摸摸西摷摷左個幾鐘後，Amy媽就入左黎。
 
Amy媽: Sam哥，點呀，有冇邊個囡囡睇Arm我可以幫你安排上房wo
 
(龍叔果然冇講錯，冇個熟人幫手打點，真係爭好遠)
 
我: 冇，呢度佢地既Tips，你幫我埋埋張單，同埋，一陣我想你陪我去賭返兩手。


Amy媽: Sam哥，我仲有野做呀，你想玩兩手既，我搵幾個囡囡陪你?
我: Amy媽，放心，一陣只係賭錢，我只係覺得你旺我，並冇其他意思。
Amy媽: 既然Sam哥賞面，咁就麻煩你等等，我去換衫同交帶聲先。
 
Amy媽真係同其他囡囡好唔同，我第一次見佢時，就已經覺得佢好特別，雖然出身風塵，但係佢身上聞唔到任何「雞」味，而且真係好靚，好靚，好靚(重要事情講3次) 如果佢唔係係夜場做，我敢保証佢參加果D乜姐乜姐既話，其他人一定要行埋一二邊。
 
Amy媽: Sam哥，唔好意思，要你等咁耐。
 
當我見到Amy媽換好衫後，我真係呆左差唔多10秒，雖然只係一件好簡單既黑色One-Piece，但著係佢身上，完美咁展現左佢玲瓏既身材，再加埋佢將佢本身扎起左既頭髮放埋落黎，散發出黎果種味道~~當我睇得失晒神既時侯
 


Amy媽: Sam哥，我行得啦~~你OK?
我: OK，行得，只係未見過咁靚既靚女。
Amy媽: Sam哥真係識講野
 
雖然今次冇上次咁誇張有10幾條囡圍住入賭場，但我覺得仍然有好多麻甩佬以羡慕既眼光望住我，無計既，Amy媽真係一個已經夠殺晒！！
 
Amy媽: Sam哥，你想玩咩呀?
我: 嗯，就玩百家樂啦
 
玩左幾鋪已經贏左差唔多幾千萬。(Amy媽跟住我買都執左成球，佢個傻妹仲傻到真係以為係佢旺我)講真，我真係唔好賭錢，因為我真係知道必贏既方程式，黎呢度只有一個目的，提款機同埋爭取同Amy媽單獨相處既機會。
 
Amy媽：Sam哥，你真係我既財神！玩左成晚，你都應該肚餓嫁啦，我請你食飯呀？你想食D乜？
我：哈，我多謝你就真la, 我平時賭親都輸嫁，好明顯頭先個荷官都俾你電到暈陀陀所以將D靚牌派晒俾我地。嗯，我想食D好地道d既野
Amy媽：嘻，唔洗同我慳住嫁wo..不過如果你真係想食又唔介意地踎既，我可以帶你去我平時食開果間牛雜粥
我：牛雜粥？澳門出名水蟹粥我就知者，牛雜粥真係第一次聽，真係要去試下wo...


Amy媽：點呀，冇介紹錯呢？
我：真係好好味！老闆，我可唔可以食多碗？XDD
Amy媽：難得你賞面，食幾多碗都得！係呢，頭先聽d囡囡講你係第一次黎我公司，但你又會識揾我既？我轉左黎冇耐JA Wo...
我：哈哈，Amy媽個大名就算未黎過既人都聽過la...
Amy媽：一定又係唔知邊個死佬介紹嫁啦。。係呢，咁一陣你就返香港？
我：如果冇人陪我就返嫁。。。但如果有個靚女叫到，就算揾枝鎗指住我都唔走
Amy媽：呢度冇靚女wo...你可以安心返香港la...
我：係咩？咁呀，我唯有降低要求，你都照殺la
Amy媽：作死你呀，降低要求，我打死你。。
 
Amy媽一邊笑住咁罵，一邊係咁打我，我地兩個就好似一對情侣咁係度打情罵俏，佢打下我，我又借機攬下佢抽下水
 
Amy：我今晚真係好開心，從來冇一個客會好似你咁對我，今晚係我呢幾年黎最開心既一日。。
我：傻囡，信我，今日之後所有野都會唔同晒，你以後一定可以過屬於你自己既日子！(待續)