［短篇］香港都市傳說: 傳說一：不能觸碰的四不像（十九）

「我……無必要話俾你地知！你地走啦！」Daniel稍為提高聲線，明顯多少不耐煩。
 
「你……你唔會係殺咗你屋企人啩？」Tina衝口而出的一句話，換來的卻是從沒有想過的答案。
 
「我無！我都無親人，點殺佢地！」Daniel稍為激動地回話後，才發現好像說錯了話。
 
四人發著呆的看著他，看來是在後悔問了這條問題。
Daniel看著眾人，逐漸變得不耐煩，遂再一次下了逐客令。
 
「我係孤兒，根本無可能殺自己親人！而我殺咗邊個都唔關你地事，我亦都唔想再提，麻煩你地離開呢度！之後唔好再嚟煩我！」




 
Tina大慨在自責問了不應問的問題，所以她帶頭打開了門，離開了Daniel的住處。
其他人在這種氣氛下，縱使仍然有疑惑的想法，但仍不好意思再逗留下去。
 
加上整件事都算是明朗化了，所以他們也乖乖的離開了。
眾人離開後，Daniel又打開了夾萬，拿出那數張泛黃的紙張：「我唔想……我唔想架……Tracy……」
 
Daniel眼內原本泛起了點點的淚光，轉眼間神情卻又變得猙獰：「我唔會死……我唔會死……幾多次都好，我都會生存落嚟，你班細路就代我去死啦！哈哈哈哈！」
 
離開Daniel住處後，四人回到城大宿舍。




在房間中，四人都沉默不語，氣氛比過往數日更加沉重。
 
「大家……點睇？」不知道過了多少時間，Keith才帶領打破悶局。
 
「咩……咩點睇呀？咁你又點諗？」阿良反問，Keith也沉默不語了。
 
又沉默了良久，阿強才再次說話。
「大家覺得，Daniel講嘅嘢……有幾可信？」
 
「講真，我唔係百份百相信佢……但係，我唔覺得佢講緊大話。」Keith想了一會後，便作出回應。




 
「啫係點呀？又唔信又話佢無講大話，你玩晒啦！」阿良把壓抑著的情緒都發洩在Keith身上。
 
「我明委員長講咩。大確係，Daniel的確係無講大話，但佢應該有隱暪咗一啲嘢！只係我地唔知果啲嘢係咩，同埋果啲嘢會唔會對我地有影響。」Tina代Keith回應。
 
「咁啫係點呀？佢講嘅嘢到底堅定流呀？」阿良仍然不滿。
 
「呢個答案無人可以答你。除非有人真係跟佢個方法做，咁就知道答案啦！」Keith按捺不住，衝口而出說出了這個沒有人願意提及的方法。
 
「夠啦，我唔覺得Daniel講嘅嘢係假，我相信殺人的確可以解開詛咒！但係無論個方法係真定假，我都無諗住跟住嚟做！呢啲捨棄人性嘅做法，俾我生存到我都唔會開心，甚至乎我會因為內咎而自殺！我寧願死嘅係我，都唔願意去殺人！仲有兩日時間，我唔會再參與啲咩調查，我要用剩低嘅時間，去做我想做嘅事！」阿強像想通了般，站起來對其他人說。
 
「你……你做咩呀？」三人不明所言的說。
 
「既然已經智道咗解咒嘅方法係咁，我無必要再嘥時間！係咁！」阿強說罷，便打算離開，卻被阿良阻止了。
 




「就算個方法無用，都唔駛即刻走架。話唔定仲有其他方法呢！」阿良拉著阿強肩膊不放。
 
「阿良……算啦，雖然我知道你係為我好……但我無依無靠，死對我嚟講，都算係一種解脫。你由我走啦，最少剩低嘅兩日，我想做一啲我想做嘅嘢！如果……你地真係有人……想生存落去，就send message俾我啦！我……願意獻出自己嘅生命！咁做，最少可以拯救其中一人！」阿強說了這番話，和眾人道別後，便離開了房間，去完成他那些心願。
 
阿強離開後，房間裏更顯得死寂！
三人尷尬的看著對方，大確都想著同一個問題：
「依家都未走嘅，係咪都認真考慮緊殺人嘅可能性？」
 
「算啦算啦！我唔諗啦！阿強講得啱，殺人……我都做唔到！再唔想死都好，要將一個活生生嘅人殺死，我……點都想像唔到自己可以做到！」阿良略為激動地說。
 
「我……我都係！邊有可能殺人！我地不如搵下其他方法啦！」Tina也附和。
 
「方法？你地覺得真係有咩？你無聽到Daniel講，佢地搵咗咁耐，唔係搵唔到，就係幫佢嘅人都死埋！如果我地搵人幫手，結果佢地都死埋，咁……同我地殺人有咩分別？」Keith反駁了Tina的說法。
 
「咁唔係點啫？唔通真係要殺自己親人咩？定你想……」Tina帶點恐懼地看著Keith，阿良也不自覺的退開了一步。




 
「唔好傻啦！我只係想指出，果個方法無論真定假都好，我地都無可能確認到！因為……殺人，我地根本做唔到！」Keith無奈地搖了搖頭，為這數日的調查，以及他們的生存做了一個總結。
 
事實雖然殘酷，但現實就是這樣，總不可能事事順境吧。
像這種解決不了的問題，現實裏彼彼皆是，大慨……他們必需學會接受這種殘酷的現實吧！
只是，他們要繳的學費好像有點高了，竟然要附上自己的性命，才能學懂這個道理。
 
無論如何，餘下的三人也有了結論，就是他們根本無法殺人。
那麼，他們只能靜靜的等待死亡的到來。
 
「呀！！！！咁無辨法啦，既然係咪都要死！我要好似阿強咁，去做啲我想做嘅嘢！」三人接受了結論後，阿良忍不住這樣說。
 
「哈哈，明明頭先你都仲好灰架，依家又無事啦？話時話，咁你想做咩？」Tina問。
 
「我？我要同我女神告白！就算唔成功都好，起碼我唔會留有遺撼！你地呢，你地又有無咩想做？」阿良問。




 
「我呀？我諗諗先呀，我最想要一個愛我嘅男朋友！我想同男朋友食燭光晚餐，想收到男朋友親手製嘅禮物，想同男朋友去睇海，想……」Tina說著說著，眼淚像缺堤般湧了出來，這才是正常的反應吧。
 
「Tina，唔好喊啦......唔好喊啦……」Keith攬著Tina，想安慰她，卻怎也說不出「無事嘅」這三個字。
 
哭了好一陣子後，Tina才停止了哭泣。
「對……對唔住，我忍唔到。你地兩個真係厲害，正常知道自己要死，都應該會好激動先啱。但你地好似無嘢咁，我好佩服你地。」
 
的確，正如Tina所說，正常人那有可能這麼輕易接受死亡。
阿強大慨算是其中的特例，大慨因為他是一個孤兒，並沒有太多東西需要顧慮，而且他也經歷了四不像的幻覺，所以才能在知道解咒方法後，仍能保持著平穩而離開。
 
但Keith和阿良呢？
他們真的勇敢到，可以無懼的接受死亡！還是說，他們已另有打算呢？
 
此刻，沒有人知道接下來將會發生甚麼事情。




人性的考驗和人性的醜惡，將會於接下來的時間徹底顯露出來。
 
但現在，大家還是先享受一下三人那互相扶持，既溫馨又溫暖的畫面吧。