［短篇］香港都市傳說: 傳說一：不能觸碰的四不像（十八）
「好啦，就係你地四個啦嘛？我諗……應該無其他人啦。」Daniel坐在梳化上，邊喝著藍山咖啡，邊對其他人說。
「嗯，得我地幾個，最少我地接觸過嘅人入面，無人再參與過四不像詛咒嘅調查。」Keith說。
「咁好啦，接落嚟我就講返，當年我係點樣解開詛咒。不過，你地要有定心理準備，係咪真係有咁嘅決心去實行。因為，呢個方法……你地唔一定接受到……」Daniel慢慢地說，仿佛他也感到緊張。
四人沉默了一會後，都點了點頭表示明白。
正當Daniel想開始說明的時候，Tina卻舉起了右手，並說：
「但係，開始之前，我有啲嘢想問！就係你到底係咩人？我嘅意思係，你同初代委員會有咩關係，點解會扯上咗呢件事？我諗我地幾個唔單止想知道解咒嘅方法，都想知道當年發生嘅事，你可唔可以講埋當年發生嘅事？」
Daniel臉色稍為一沉，隨即又變回跟平常一樣。
他稍為思考了一下後，便說：「好啦，我會講多少少當年嘅情況。日記簿提過嘅嘢我就唔講啦，我淨係講返當年，點解我會成為被詛咒嘅對象啦！」
還記得那一年，四不像還沒有落成之前，已經引起了學生的關注，因為那時已經有一些傳聞，指出一些負責四不像工程的人，都因為意外而離世。
但當然，這些都只是「傳聞」而已，畢竟那個年代，怪力亂神的傳說也比較多，這種具吸引力的傳說彼彼皆是，所以學生們都當成是一個有趣的故事來聽。
當時，Daniel亦是其中一員，都是聽過、笑過便算了。
但誰想得到，在四不像落成之後，竟會發生一系列的慘劇。
事情來得十分突然，還記得那年，有數名新生非常熱衷於那些鬼怪傳說，某一晚，他們為了調查四不像那些意外的傳聞，竟帶同了一系列的儀器，去調查四不像。
調查過程就不多說了，但其中一名新生，竟大膽得用小刀，取下了四不像身上一小塊碎片，悲劇，就在這晚以後發生了。
情況就跟日記簿記載的一樣，他們一個又一個的接著出了意外。
而當時，新生委員會的會長，跟Daniel是好朋友，他們一起去探望這些新生，期間，亦因為調查的原因，曾經接觸過四不像，所以，最後他們也成為了詛咒的目標。
當新生一個接一個的離世時，餘下被詛咒的人都開始擔心起來，他們不斷找尋破解詛咒的方法。
基本上，他們找尋了不同教派的師傅替他們進行解咒，但全都失敗了，有些嘗試解咒的師傅甚至遭到詛咒的反噬，失去了他們的法力。
之後，他們在一個偶然的機會下，遇上了一位研究詛咒、黑魔法的老人。
這位老人年輕時利用詛咒和黑魔法等害人的咒術，毒害了不少好人。
他自身也遭到黑魔法的反噬，運氣和身體也變得愈來愈差。
由於他深信死後的世界是存在的，他不希望自己於死後仍然受苦。
所以他轉為替人解咒和破解那些黑魔法，用以清洗過住的罪。
而恰巧他和Daniel一行人碰上，在了解事情的始末後，這位行將就木的老人，決定嘗試替他們解開詛咒。
而最後，只有Daniel成功跟隨老人的方法破解了詛咒，其他人始終無法倖免。
「如果唔係當日遇到果個老人家，我今日都無可能仲坐喺度，可惜嘅係，果位老人家唔知係咪俾四不像詛咒反噬，定係陽壽已盡，一個月之後佢都死埋。」Daniel回憶起那老人時，神情不禁帶點悲傷，但，真的是為了那老人而感到悲傷嗎？
「原來係咁，但既然你地係一齊聽個解決方法，點解最尾會得你一個生還？」Tina問到重點。
Daniel神情變得非常複雜，他一口氣喝掉手上的咖啡，稍為鎮定下來後，便說出了解咒的方法。
「因為……佢地最尾，都無跟住個方法做……」Daniel稍為停頓，氣氛頓時變得緊張，四人都在靜候著他說出那解咒方法。
「個方法……就係……殺！人！」Daniel在深呼吸後，緩慢的說出了解咒的方法。
在聽到這個解咒方法後，眾人反應各異，但無一能夠冷靜下來，表現最激動的可算是阿良。
「痴線！痴撚線！你痴撚線架！殺人解咒你都講得出口，無撚嘢呀？阿強，Tina，Keith，我地走啦！呢條友痴線架，咪撚嘥時間聽佢廢Up啦！走啦！」阿良激動得馬上站起來，然後呼叫著眾人，要求離開。
三人驚訝歸驚訝，卻沒有意欲離開。
「你地做咩呀？走啦！呢條友痴線架！如果佢真係殺咗人，仲可以無事咁坐喺度？就當佢無事，佢都係殺人犯啦！走啦，都唔知佢咩居心！」阿良仍然激動，但三人仍沒有回應。
隨後作出反應的，是阿強。
「無錯，阿良講得啱，就算發生咩事都好，我地都無理由殺人！何況，佢講嘅都係片面之詞，無理由因為咁樣而去殺人！更重要係，如果要咁樣先解到咒，我寧願死嘅係我！」
阿強的說話，令Tina和Keith都產生了反應，準備站起來。
「我講嘅嘢絕對係真嘅！你地唔信，大可以去城大查下，係城大四不像落成果一年，係咪有一個叫麥展仁嘅學生退咗學！退學日期就係最後一個人死亡嘅一個星期之後！果個人就係我，我離開城大係因為我接受唔到自己做咗啲咁嘅事，所以離開咗城大，離開咗香港，直到呢一兩年先返嚟！如果你仲係唔信，可以對下本日記簿同我嘅筆迹。」Daniel說罷，拿了一本他的工作記事簿給其他人看，而他更隨手寫了幾隻字，讓他們核對。
眾人雖然不是甚麼鑑定專家，但看到Daniel寫的字時，都不得不相信。
因為某些字在收尾時，Daniel會有個小習慣，就是向上勾了一勾，這跟日記簿裏的字可以說是如出一轍，而字跡方面亦是極為相似，他們不得不相信Daniel就是那個生還者。
或者，應該這樣說，他們再沒有辨法抗拒這個事實。
因為，他們其實心底裏都明白，不會有人比生還者更清楚當時的內幕，而Daniel能把當年的事情說得巨細無遺，已足以證明他的真確性。
他們之所以如此激動並選擇不相信，純粹出於人性。
畢竟殺人不是一件輕易的事情，一時三刻又怎可能令人接受呢？
陳同學大慨也跟他們一樣，逃不出人性和道德的枷鎖，所以才會選擇死亡。
Daniel見眾人仍是沉默不語，便續說：
「如果你地仲係唔相信我，咁我都無辨法，因為我無辨法拎我殺咗人嘅證據出嚟。我知呢個方法係令人難以接受，但事實的確係咁，如果你地係接受唔到，咁我就唔講落去啦！但如果你地有人想知，我唔介意話俾你知，殺人果度有咩嘢要注意。」
眾人雖然已經稍為冷靜，但身體仍是不斷的顫抖著。
不知道時間流逝了多少，Keith總算開口了。
「既……既然我地都嚟到，不妨聽埋Daniel講落去，反正，如果真係要死，我地最少係根據自己嘅意志去死亡，而唔係依家咁，不明不白，一頭霧水咁去死。」
這番說話的確打動了他們，畢竟，從一開始，他們就是想反抗，想弄明白事情的始末，才會開展這次的調查。
現在只離真相一步之遙，實在沒有理由不顧而去。
又過了好一陣子，全部人又回到椅子上，靜靜的看著Daniel。
「既然你地都坐返低，咁我就當你地想繼續聽啦！記住，呢個詛咒，當年果位老人家嘅評價係，由於施下詛咒嘅人已經離世，所以根本無辨法用外力去解開。要解開就要有犧牲，呢個犧牲就係要去殺人！但係，唔係所有人都可以殺，你地可以殺嘅，就係已經中咗詛咒嘅人，亦即係你地在坐四位，可以互相廝殺，咁做嘅話，你地最少有兩人可以生存落嚟！」Daniel說完後，四人不禁掃射了大家一眼，大慨是想確認一下，有沒有誰對自己動了殺機，又或者……是在找尋要殺的獵物也說不定呢！
「咪……咪住，咁講唔通喎！如果淨係殺中咗詛咒嘅人，咁之前你同陳同學講嘅話有解咒方法，佢咪啫係做唔到？因為佢根本唔知道有其他中咗詛咒嘅人，但佢日記簿明明記低咗佢係可以解開詛咒，只係佢唔想去做！你係咪隱暪咗其他方法？」Tina注意到一個重點，其他人立刻死死的看著Daniel，希望他會提供另一個方法出來。
怎料Daniel只是搖了搖頭，然後便嘆口氣說：
「我無呃你地，解咒方法，除咗殺人之外，就無其他方法。但係，殺嘅人，可以有兩類，第一類，就係我啱啱講嘅，中咗咒嘅人。而第二類，就係一啲深愛住自己嘅人！對於果位陳同學，我俾嘅建議係，殺咗佢嘅屋企人。」
第二個方案比第一個方案更具有衝擊性，如果連第一個方案也感到如此激動，這第二個方案對他們來說根本是不可能實現！
「唔……唔怪得陳同學會寧願死……」Keith低著頭喃喃自語，其他三人情況也差不多。
「好啦，方法我已經講咗俾你地知，做唔做……你地自己諗啦！如果你地唔信我，可以另外試下搵其他人解咒，但我諗……應該無咩師傅真係幫到手！另外，唔駛擔心殺咗人之後會變成點點點，四不像嘅詛咒會幫你地處理好，唔會有人懷疑係你地殺人。你地比我果陣好彩，因為你地依家仲有四個人，最少都有兩個人可以生存……而我……」Daniel大慨也勾起了當時的回憶，心情變得激動的他，忍不住雙手掩臉。
「好啦，你地以後要點做，就靠你地自己啦！我諗……我地應該都唔會再見面！同埋，我估你地聽完我講嘢之後，都唔會再想見到我架啦！你地早啲走，返去諗下點做啦！」Daniel見眾人各自發呆，遂下了逐客令。
正當眾人準備離開時，Keith卻突然轉過個來，向Daniel問了一個問題。
「你既然解開咗詛咒，咁你當年……究竟殺咗邊個？係親人？定係……」
Daniel想不到Keith有此一問，當場呆了一呆。
到底，Daniel當年所殺的，到底是誰？
而Keith，Tina，阿良和阿強，又會如何選擇呢？