《活在教育制度的男孩》: 《活在教育制度的男孩》序章

《活在教育制度的男孩》序章
大家好，我係一位00後，我係跟所有學生活在同一個教育制下，雖然係同一個制度下，但對我同其他學生卻有不同的影響。
今日我想同大家分享我活在這教育制度下的故事。雖說在這制度下人人平等，但好明顯是不。對，真係所有人接受同一樣的教育方式，只不過，是否每個人的能力、興趣、優點都是一樣？我可以說不，假如你見一隻馬去游水一樣的道理，你要所有人都跟著同一個教育制度？是無可能的。你可能說「讀書不行，咪讀Band 3啦」，點解讀書差一定要讀Band3，而且Band3一定成績好差？而且你將佢放左入Band3後，就讓他放棄？教育初衷係咩？我希望大家認真諗清楚。
真因如此，社會上對Band3學生的印象就只得負面的，而讀名校的學生就將他們看成社會的未來，你地有否看清楚Band3學生們的優點呢？例如創意、運動等？難道生存在這世上的學生就只得接受填鴨式教育？
你又有否成績好的人只是背誦能力強，而成績差的人只是不適合用這種方法教導他們！所以我才説這教育制度是多麼的不平等，因為每個人嘅才能唔同能力亦都唔同所以冇可能只係得一種教育方法。
大家都應該知道20世紀同21世紀科技、醫療等等等唔同嘅技術進步速度十分之快，演繹到令我哋嘅生活改善得更加完善更加方便。大家不妨上Google，睇吓一百年前嘅電話跟現代嘅手提電話有什麼分別，再睇啦100年前嘅車輛現在汽車有什麼分別，最後睇吓100年前嘅教育方法跟而家嘅教育方法有咩分別。大家可以睇到唯獨是只有教育方法係沒有改變的，教育模式仍然停留在100年前，然而另外個兩種發明嘅改善令到我哋生活模式既不同嘅改變亦都完善左我哋嘅生活。所以教育制度必須進行改變，才能真真正正達成教育初衷。
下章我會從學生的角度，探討下點解學生會自殺。
另外請大家原諒我文筆差，因為我仲係大家眼中只係一個對社會冇貢獻嘅Band3仔。
P.S. 難道增加對教育的開支就得解決問題？