【英雄系列3】大學武鬥傳: 10
10.
「登！登！登！登！」
體育館既燈光閃爍不停
一高一矮組合拎住mic行出黎
「歡迎黎到第二屆大專武術大賽，城市大學校內選拔賽！我地就係你地既mc，農夫！！」
「wu！！！！！！！」一見到農夫，在場既人都不停歡呼
「嘩...乜請到農夫過黎咁勁架？」nami驚訝道
「聽聞主辦商王氏體育好有錢架，所以呢個比賽既宣傳都好勁下」
「嘩今日真係多人啦...不如我地依家先請主辦商，王氏體育集團主席王朝為我地致辭」
一個滿頭白髮既西裝男子，連同後面既一男一女行上擂台
「大家好，我地呢個大專武術大賽已經舉辦左兩屆.....」
女果個，正正就係小聖最討厭既美瑠！
「嘩條女正呀！！」
「聽聞佢係今年SS既freshman黎架，原來佢係太子女黎既！」
眾人議論紛紛
「嘩...原來小聖你最憎果條女，係王氏體育個太子女黎架？！」小珠被嚇一跳
小聖一睇美瑠就眼火爆「哼！見到佢前面就憎到佢後面呀，姣屍扽篤！」
果個王朝致辭完之後
農夫笑道:「哈，咁事不宜遲啦！即刻開始第一場比賽，就係由武術學會既杜軍浪對MMA學會既彭與硬！」
「軍浪bb！！到你出場啦！！！」小珠熱烈打氣:「加油呀！！！」
「哼....」軍浪冇理小珠，直接行向擂台
軍浪同對手彭與硬已經上到擂台上
只穿背心既彭與硬既上身極橫，肌肉結實
「你就係杜軍浪下話？我一陣用一分鐘就收你皮啦！」
彭與硬谷實自己既肌肉:「我d肌肉簡直完美，肌肉爆棚的我，可能會在網路上比你串柒，但出到街，你個孱仔我可以一拳一個！」
「無聊....」軍浪完全冇放佢在眼內
裁判上到台上，道:「首先講一講比賽規則先，無限時，倒地十秒後仍未起身、離開擂台、或者投降既話就算戰敗」
nami驚奇問:「咦，點解同平時果d打拳既規矩唔同既？」
「呢個武術大賽好奇怪架，佢冇時間限制，冇得靠點數贏，所以最好既取勝方法就係打到人地出擂台」
裁判上到台上
「兩位選手準備好未？」裁判舉起右手
「三、二、一....fight！」
一開場，彭與硬就採取主動，從上中路不斷用勾拳攻擊
但佢既拳，響軍浪眼中實在太慢！
「砰！」
彭與硬既拳頭被軍浪一手捉住
「點解...你會接得實我既拳頭架？！」彭與硬不敢相信，自己引以為傲既拳頭會被侮辱式接實！
「呢個彭與硬既攻擊太單調啦，正常用少少腦打交既人都睇得出啦...同時太強大既肌肉令攻擊速度減慢，軍浪要擋簡單易過借火」楊能為nami解說
「你既招式係咁重複...我已經睇穿哂啦...」
軍浪只用一手，就將佢撻落地下
彭與硬倒地後馬上以蜈蚣彈跳返上去，再繼續進攻
「呀！！！我就唔信唔夠你快！！！！！」
彭與硬開始暴燥，越攻越狂
「嘿，打交最忌衝動，攻得越上，弱點就會越被放大..」楊能道
面對怒濤級既猛攻，軍浪卻依然淡定
不斷以奇怪既步法退後，將所有攻擊避開
「點解...軍浪bb行得咁怪既？！但係又可以避哂d攻擊喎...好勁呀」小珠讚嘆
楊能眉頭一皺:「軍浪佢...竟然連八卦步都識？！」
「八卦步靈活多變，無論點避都仲可以保持重心...」
軍浪邊避邊想:「要對付呢種程度既攻擊，卓卓有餘」
軍浪右手握緊，似乎準備還擊
「軍浪bb..佢要出皇極驚世拳啦！」
「皇極驚世拳，第一式，破天」
軍浪轉移重心，左腳踏地，一記重拳打往彭與硬既下腹
「轟！！！！！！！」
「嗚呀呀呀呀呀」彭與硬就如中彈一樣，整個人飛到九丈遠
吃下皇極驚世拳後，彭與硬已經受傷倒地
「一、二、三、四、五、六、七、八、九、十！」
「A組第一局，杜軍浪勝！！」
「嗚呼！！！！！！！好有型呀！！！！！！！」
軍浪冷酷既外型，加上強大既戰鬥力，令在場既女性生物都不停尖叫
「哼！成班姣婆想溝我個軍浪bb！」
即使軍浪勝出，小珠依然一臉不悅
「哼...」
冇乜點流汗既軍浪頭也不回，離開擂台返上觀眾席
「軍浪bb你好叻呀！」小珠作勢擁抱軍浪:「不愧為我既男朋友仔！」
「你好煩呀...」
即使軍浪一直話小珠煩，但卻沒有對佢發怒
「哈哈....佢地兩個..都幾close架喎..」nami笑道:「楊能你d朋友都幾得意丫...」
「皇極驚世拳，第一式，破天！！！」
擂台上既爆炸頭青年大叫，並一拳將另一位選手打出擂台
在場既觀眾都被呢一拳嚇破膽
「唔撚係掛...真係可以打到人飛出擂台架？」
「A....A組第2局，徐...徐霸天...勝」
裁判亦被嚇得口吃
呢個叫徐霸天既人，故意對住軍浪冷笑一下
「點解呢個人...又識軍浪bb招皇極驚世拳既？！」小珠大叫
楊能望住軍浪，心想:「呢個人既皇極驚世拳比軍浪既更霸道...」
「......」
軍浪沉思著:「唔通...佢就係老豆所講既...」
「接住落黎就係B組第三場既賽事啦，係由武術學會既楊能，對泰拳學會既唐拾一！」
「呼，終於到我啦！」楊能自信地脫下外套
nami笑住為楊能打氣:「楊能，加油呀！」
「我會架啦！」
「呵呵...nami同我打氣呀~~~~~」
「三、二、一....fight！」
「啊！！！！」唐拾一馬上以連環拳擊向楊能
「呢d咁冇速度既攻擊就想收我皮？太天真啦！！！唐屍三百手！！！！」
楊能只以左手就將唐拾一既拳化解
「泰拳下話？！等我一招KO你！！！」
楊能伸出右手中指，打往唐拾一既胸口:「一指禪最高境界！我佛你！！！！！」
只用一根中指，楊能就將唐拾一轟飛
「太耐冇用呢招，有d生梳添！」
身中「我佛你」既唐拾一慢慢企起身
「啊....你......」
點知不消一秒，唐拾一竟吐出白泡，再次倒地
裁判數十聲後，唐拾一仍未站起
「B組第三場，楊能勝！」
「唉...一下比我打低，渣ga！」
「哥哥你好犀利呀！」
「嘿，駛乜講！」楊能得意洋洋地返回座席上:「汗都冇出過滴呀，哈哈！」
「嘻，原來楊能你都幾犀利架喎....頭先你係點樣一手KO人架？」nami似乎對楊能既必殺技好有興趣
聽見nami既聲音，楊能馬上落力回答
「好易架咋，我頭先將自己全身既氣全部集響中指上面..」
「集氣？乜真係有『氣』呢樣野架？」nami問
「嗯！氣係一種從丹田運行而成既能量，好多人都要經過訓練先識，我就唔駛，我一出世已經識架啦！」
楊能仿如叻哥一樣自誇
「嘻，哥哥一對住nami就成個人唔同哂啦！」小聖心想