【英雄系列3】大學武鬥傳: 9
9.
「你...你好..」阿翼尷尬地打招呼，心想
「呢位姐姐.....唔通都係石仔既朋友黎..？」
「徒弟？...阿翼，點解你會黎跟石狗學功夫既？」rina問
「因為...我被人逼左去參加個大專武術大賽，所以..咪搵石仔教我...」
rina坐上梳化:「大專武術大賽？依家有d咁得意既野既..」
「咦，rina你呢個手袋咁靚既？」
「係呀，智也生日買比我架！」
「你老公就好啦！咁有錢...」阿玲一臉妒忌:「個死石狗姑寒到死！$#%#$^%$^%#$#%$#^%$^%$^$%^$%^$%^$%」
「唔好咁講，智也都好多缺點架！佢$#%#$^%$^%#$#%$#^%$^%$^$%^$%^$%^$%」
唔止三個女人，兩個女人都已經一個墟
面前兩名靚女不停指責自己男仔
「咁..我繼續練野先啦..」阿翼只好出去花園，繼續訓練
「噠！噠！噠！」
阿翼望住地上既波子
「唉...練左成個鐘都仲係的得三下...點先的到一百下呀...」
「翼仔~~~好辛苦咁喎...」
rina忽然響阿翼後面出現
「丫！嚇死我呀」阿翼被rina嚇親:「你地..唔係響入面既咩？」
「傾完lu..咪出黎睇下你練成點囉！」rina望到地上既波子:「咦，的波子呀？」
「嗯...但係依家都仲係的得幾下」
rina笑笑口:「嘻嘻，石狗明顯特登玩你啦！我教你啦！」
rina執起波子，赤腳將波子控制於腳面上
「噠！噠！噠！噠！噠！噠！噠！噠！噠！噠！噠！噠！噠！噠！」
「嗱...係咪好易呢？」
「點樣...先可以好似rina姐姐你咁..控得咁好呀？」
rina指住腳面
「你一定要專中d，波子響半空果陣，你一定預計佢下一次既位置」
翼仔即刻回想上，石仔同自己打街霸果陣，訓練到既超快反應時間！
「哦...！！我知啦！！！係反應！！！」
「嘻，翼仔你都好醒喎！」rina笑道:「依家再試下丫！」
「噠！噠！噠！噠！噠！噠！噠！噠！噠！噠！噠！噠！噠！噠！」
經過兩小時既訓練後，終於...
「成...成功啦！！！！！！的到100下呀翼仔！！！！！！」
阿玲激動得攬住阿翼
rina笑道:「叻仔喎，我果陣都練左成日，咁證明翼仔你都好有天份！」
「哈哈...係咩....」
「嘩，乜咁嘈呀...」
石仔捽住眼行出黎:「咦rina你黎左既？」
「終於捨得起身啦咩死石狗？！」阿玲攬住阿翼:「多得rina教路，翼仔依家的到100下波子啦！」
「係咩...比我睇丫！」
「噠！噠！噠！噠！噠！噠！噠！噠！噠！噠！噠！噠！噠！噠！」
阿翼展示訓練既成果比石仔睇
「嗯...幾好丫...」石仔道:「咁依家...你再試下學我今朝咁，出阿修羅閃空丫！」
阿翼聽石仔講，行到10米外
「哦...但係，我唔識點樣出喎...」
rina走去，響阿翼耳邊度:「翼仔，你記住頭先的波子既果種感覺，響石仔面前大約1米既時候，右腳踏前，腳腕轉左，以180度響石仔既左邊轉過去後面」
阿翼聽住rina既說話，集中精神
「1米..1米...」
「加油...加油...」兩位女生亦細細聲為阿翼打氣
「踏！」
阿翼起步，向住石仔衝過去
「4米..3米..2米......1米」
阿翼跟住rina既提示，右腳踏前
剛才既波子訓練，令阿翼既腳腕肌肉已經完全進化！
「發！！！」
阿翼腳腕向左，以神速之勢，轉到石仔身後
「呼...呼......」
「好野！！！！翼仔你好叻呀！！！！！！」阿玲同rina撲過去阿翼度
「睇到未呀石狗！我教翼仔仲教得好過你啦！」rina對石仔做鬼臉
「.......原來...rina教我都係為左威比石仔睇...」阿翼心想
「車...學果少少野就咁巴閉，我都未教你點打人」石仔囂張道
rina問:「咁石狗你..諗住教邊招呀？」
「終極黃金斬」
10日後
9月15號下晝三點
城大新體育館內
現場已經係人聲鼎沸，差唔多坐無虛席
「嘩...乜翼仔咁耐架...」小聖望住錶，非常擔心:「就黎入場架啦...」
楊能食住雪糕:「你同佢定啦，石仔今朝同我講翼仔仲響佢度練緊野，我信佢地一定會準時到既！」
「咁...哥哥你個nami呢？」小聖奸笑問
一講到nami，楊能就鬱悶起黎
「呃...佢呀，可能女籃有練習呢，哈哈」
「軍浪bb，一陣要加油呀！你第一組就打架啦！」坐響隔黎既小珠不停跟軍浪道
「得啦...你好煩..」軍浪攤響凳上:「無論對手係邊，我都打得贏...」
「hello...」
身穿白色連身裙既nami行到楊能面前
「nami...hi，咁岩既！」一見nami，楊能即刻笑逐顏開:「你...黎睇我比賽架？」
「嗯...因為你個名..太易記啦哈哈，咁岩我又落左堂，咪黎睇下囉」nami指住楊能旁邊:「呢個位...」
「坐得！緊係坐得啦！」
「咦，楊能，幾時到你比賽呀？」nami問
「我係B組...應該4點半就開始架啦...」
「哦...我唔係好識武術架，一陣可唔可以同我講解下呀？」
楊能馬上點頭:「當..當然可以啦！」
「哥哥一見nami，即刻開心返啦」
「哈哈...佢咁既樣係人都知佢想點啦」
小聖同小珠細聲笑住傾計
「佢地係...」nami指住眾人
「丫同你介紹，呢個係我細妹小聖，呢個高妹就係小珠，無表情既呢個就係小珠個男朋友軍浪，佢地都係武術學會既人黎架」
「哦...你地好呀！」