《精武．黑俠》: 第十四章︰機會

忙了一整天，我回到家洗完澡，便坐在書桌前倒出一杯Whisky，享受著臨睡前的一點輕鬆時光。
喝了兩口酒，受好奇心驅使下我開了胡克勤和關偉和的CCTV來看，想知道他們這種人夜深時份都會幹些甚麼。
看了足足半個小時，胡克勤都只是在做一些普通的事情，喝紅酒、看電影，從工作椅上不知不覺睡了下來。
胡克勤的生活其實十分沒趣，難道這就是他一心想追求的生活？我不知道，我便再轉一轉台去看關偉和。
從屏幕上可見，關偉和在書房努力地在紙上一直著寫著，由於距離所限，我實在難以去看究竟關偉和正在寫著甚麼，但我估都是他病人的醫療報告。
關偉和放低筆，拿起白紙走到牆上的壁報板前，把白紙釘在板上。
他挨著書桌，望著壁報板，開始面露笑容，一個奸詐的詭笑。
我坐直身子，盯著關偉和，感到背後一涼，緊緊地握著拳頭。
他開始抬頭大笑，面目十分猙獰，笑得他肚也彎起來倒在書桌上。





關偉和你究竟在盤算著甚麼？
我眼望窗外的黑夜，心悶悶的，泛起一個不祥的預感。
這一次，我有沒有機會去救這個學生？



「振聲，無時間啦，我地今晚就去關偉和到。」我匆匆走到地牢跟振聲說。
振聲見我氣急敗壞地走來，便推張凳過來讓我坐下。
振聲說道：「急咩呀？咪話咗我地要研究咗⋯⋯」
「無時間啦！」我一句打斷了振聲的說話：「我地如果今晚唔去，就會有多一個學生自殺。」




振聲愕一愕然，問道：「講咩呀...？」
「尋晚我喺cctv到睇到關偉和，佢好似已經plan好咗整死第二個學生。」我試著理清腦中的思緒。
振聲保守地說：「當真？」
我用力地點頭，希望能獲取振聲的同意。
「好，我地今晚就去。」振聲二話不說便一口答應。
得到振聲的支持，令我士氣大振，今次不救學生誓不回。



「你要應承我，今次絕對唔可以衝動。」振聲坐在電腦前對我說道。




我對他說：「你放心，我今次唔係為咗寂主而去。」
「今次行動簡單明確，入去查清楚究竟關偉和想做乜嘢，之後就走。」我接著道。
振聲帶點疑慮地問：「睇嚟有啲難度。」
我腦中突然出現一個想法，我問道：「振聲，上次我去關偉和屋企重傷嗰晚，點解你會趕得切嚟救我嘅？」
「嗰晚喺你仲喱埋緊觀察關偉和屋企嗰陣，我已經到咗啦，不過停咗架車喺後面街口死角，你咪睇我唔到囉。」振聲回想道。
我再問道：「咁你記唔記得嗰晚我入咗去之後，隔咗幾耐俾人...踢落街？」
「6分鐘，你第一次咁快俾人KO我梗係記得，點解咁問？」振聲疑惑地說著。
我提出腦中的空想：「你估，寂主會唔會係喺我入咗屋，佢先再嚟？」
振聲摵摵眉，示意我繼續說下去。
「我覺得，嗰晚寂主根本唔喺間屋到。係我入到去接觸關偉和，寂主先再嚟。」我繼續說道。
振聲托著下巴說：「都唔係無理由，寂主份人一定唔會全天候24小時咁保護關偉和。但問題係，佢係點知你嚟呢？而且，佢邊有可能喺咁短時間就趕到嚟，仲要連我都發現唔到？」
「如果佢連parkour技巧都喺你之上…」我擔心地說道。
振聲抬頭皺眉看著我：「咁就麻煩啦…」
「唔麻煩，如果真係咁嘅話，我就諗到辦法搞掂佢地啦。」我胸有成竹地說。
振聲依然皺著眉說：「願聞其詳。」




我把整個計劃說出來：「首先，我入屋去關偉和。等佢通知寂主嚟之後，我就引走佢地兩個，你趁機入去關偉和書房影晒佢幅牆上面所有紙，做唔做得到？」
「我係擔心你做唔做得到呀，寂主唔易對付架。」振聲一臉擔憂地說。
說到要面對寂主這一關，其實我心底裡亦沒有十足把握能夠成功，更莫講要全身而退。
「放心。」我舉起姆指，裝著一副淡定的樣子。
我深呼吸一下，走過去看著掛在人偶上的Kato服裝，從眼罩的空洞中，我仿佛看見父親以一個肯定的眼神看著我。
父親，請你保佑我。

能否救人一命，就看今晚了。