《精武．黑俠》: 第十章︰迷蹤拳
第二日一早和振聲完成體能和格鬥訓練之後，我便梳洗一下，趕到到父親所提及的墳場。
當我準備出門的時候，振聲忽然對我問道：「陳真，俾你拎到本秘笈之後，你打算點做？」
「做我爸爸本來應該做嘅事。」我轉過頭，對著振聲說。
振聲走上前：「你唔好忘記我地返嚟係有任務在身，我地終有一日要離開呢個地方架。」
「我答應過我爸爸我要留低。」我瞪著振聲說。
振聲勸道：「你知師傅佢會點…」
「我自己會同佢交代。」說罷，我便頭也不回地走上車。
的而且確，我和振聲本身回到香城的目的就不是甚麼儆惡懲奸行俠仗義。原本一個簡單任務，就因我的私事而變得無比複雜，但我相信師傅都應該不會怪罪下來，況且當初是他有份叫我報殺父之仇的，我想他應該明白到我一日不除寂主，一日都不會離開香城。
馳騁不久，便到了聯合道墳場。
我跟著父親留下來的線索，走到九號庫二樓32。
一見到墓碑上的字，我頓時愣住了。
「陳俠銘，生一九六四年二月十九日，卒 不詳。」
原來父親早知道自己將歿，早為自己打造了一個墓碑。
我摸摸碑上陳俠銘幾隻大字，作為對父親最後的哀悼。
「對唔住呀爸爸，我嚟遲咗。」我忍著淚水說道。
用力深呼吸一下，我往墓碑一拳打進去。
撥走一堆碎石，發現內裡有一本類似traveler's notebook，但書面並沒夾著甚麼郵票圖章，裡面只有厚厚的紙。
眼見這書的頁面都已黃透，我生怕一不留神就會將其一分為二，於是我便小心翼翼打開封面。
封面是父親的筆跡，寫著三隻大字。
《迷蹤拳》
回到振聲家，我開始埋頭苦幹地研究這本由父親所著的《迷蹤拳》，試著發掘當中有否父親想讓我明白的地方。
我反覆翻閱著，雖然書上所述的都是普通的拳理和拳法精要，但這些拳理都是我從未涉足過的高階拳法，實在精采。
我一直以為這只是一本普通的拳譜，直至我嘗試演練當中的初招步法。
跟著書中所示，我開始跟著秘笈，擺出起手的架式。
先提出左腿，擺出一個四平馬，再轉向為一個弓字步，當中利用腳尖作軸心，注意著氣的呼送，跟腳步逐漸形成一種默契去移動。
我忽然想起，這一切都有點似曾相識。
我試著自己去推敲下一步。利用後腿的腳尖作支撐，前腿則腳掌橫放，形成往前的腳刀狀。然後提起前腿，後腿腳尖一移，便能輕鬆轉向。
我翻開秘笈中的下一頁，發現書中記載的下一步就跟我推敲出來的一模一樣。
我記得這種步法，根本就是以前父親閒時跟我玩耍時教我的防身自衛術。
我不斷掀頁去找出這個步法的名堂，細看之下，原來父親小時候教我的腳步跟這裡記載著的同出一轍，而這種步法就是迷蹤拳裡，迷蹤三步中的第一步。
我再掀頁，希望能從中找出更多以前父親曾教我的動作。
果然，秘笈中往後不同攻防方法的運用，都全是父親曾教過我的所謂自衛動作的延伸。
原來父親早在我小時候已經默默地向我傳授著迷蹤拳。亦即是說，父親早就打算讓我承繼他的衣缽，讓我的雙手同樣地沾滿血？
我的父親究竟在想些甚麼呢？我實在難以去猜度。
我當下唯一想到的，就是要跟振聲說明這一切。
「陳真！」此時地牢剛好傳來振聲的叫聲，我便拿著秘笈走下去找找振聲。
一進地牢，我還來不及開口就已被振聲搶先說道：「啱啱組織嗰邊send咗份關於我地要對付嗰個殺手組織啲資料嚟，原來關偉和件事又係同佢地有關。」
「關偉和…？咁啫係同寂主有關？但係寂主唔係只係一個僱傭兵嚟咋咩？」我問道。
振聲把資料遞向我說：「準確啲嚟講，並唔係關偉和，亦唔係胡克勤。」
「胡克勤？」我一臉錯愕地問道。
振聲解釋著：「當日我地搵到去關偉和嗰陣，的確佢係有份去慫恿班學生去自殺。但講到尾，佢只係收咗錢負責落手嗰個。而胡克勤，都係收錢去出賣學生啲資料啫。」
「你意思係背後一直有人喺到操縱住佢地，而佢地就係…」我推理著。
振聲指一指我手上的資料，點頭稱是。
振聲繼續說：「而寂主，就係之後關偉和怕會有人發現佢嘅事嚟找佢悔氣，而請返嚟嘅。」
「我記得師傅之前同我講過，話呢個組織做事影響範圍太廣，所以先要我地返嚟香城除去佢地，可能師傅所講嘅範圍太廣就係指佢地殺學生？」我說道。
振聲答道：「殺學生，只係佢地嘅一種手段。我地要知嘅係佢地背後嘅目的。」
「咁而家我地搵唔搵到佢地個基地？」我邊掀著資料邊問。
振聲站起身，拍拍大腿說：「想直搗黃龍就無可能架啦，話晒我地都唔知佢地幾多人同埋實力去到邊，但係我估佢地同胡克勤關偉和應該仲有聯絡嘅。咁啱呢，我之前又去晒佢地屋企搞咗啲嘢，就hack入埋佢地個cctv，想知道班人幾時出現就唔難嘅。只不過，我就唔打算去睇關偉和架啦，始終佢就有寂主睇住，我地唔易埋手。」
「你幾時做咗咁多嘢架？」我驚訝地問道。
振聲擺出一副懶得理會我的姿態說道：「喂大佬你訓咗喺醫院成個月呀，唔通我真係日日坐喺你床邊咁gay咩？姑娘會誤會架！」
我嬌喘一聲倒在振聲的懷裡，這個時候振聲眼如媚絲， 溫潤的雙唇微微張開，說到：「死開啦基佬。」
原來振聲一直從cctv看到殺手組織的人逢每月的第一個星期二都會到胡克勤的豪宅，每次逗留約半小時。
而振聲早已打算今晚去突襲胡克勤的府邸，於是我們便決定就去會會那班殺手。
在整理裝備的時候，振聲邊打磨他的短刀邊說著：「我睇到佢地一排架啦，但你又忙緊去搵你呀爸本秘笈，咁我咪一直無同你講住，打算等你搵完先去囉。」
「講開本秘笈，我發現咗啲好奇怪嘅嘢。」我拿出秘笈給他道。
振聲接過秘笈後問道：「有咩咁奇怪？」
「我發覺原來入面大部分初招，都係以前呀爸唔覺唔覺咁教過我。」我坐在地上拉著一字馬說。
振聲掀一掀這本秘笈，說：「迷蹤拳？我仲以為已經失傳咗添。」
「唔知點解…我覺得呢本迷蹤拳好似係呀爸自己作咁。」我壓著腿道。
振聲說：「唔怪得嗰陣你啱啱嚟到學啲咩武功都咁快上手啦，原來一早打咗底。」
「係喎，不如你都學埋啦，得我一個識嘅話，我怕佢又會失傳喎。」我打趣道。
振聲一臉不情願地說：「就咁睇，要練熟佢嘅話，無返幾年時間都唔得喎，我邊有咁多時間呀。」
振聲的才能一向明確，看他出神入化的parkour和其竊物神技就知道是追蹤和逃跑，他曾豪言世上沒有幾個監獄能夠困得住他，而我也確實相信的，始終見識過他的「輕功」後都不敢再對他有懷疑，因此我都再沒有逼他跟我一起學的意思。
待入夜後，我們便整裝出發去一摸殺手聯盟的底細。