一個書生既Player故事: 二九七

完咗聖誕，Hall又回復返平日既熱鬧，時間尚早，我同Parsons去咗Wade間房吹水打機。
 
「聖誕去咗邊？」我問佢兩個。
 
「琴晚齊莊喺Soc房劈酒，成班人醉撚晒，嘔到間房勁臭，屌。」Parsons話。
 
「以為你去咗搵食。」我話。
 
「女平時都有得食，同莊員過第一個聖誕機會只得一次。不過下次我會做最早醉果個，抹嘔吐物真係想死。」
 


「鬼叫你做P咩，屎都要抹嫁啦！」Wade好大聲好誇張咁笑佢。
 
「你呢？」我又問Wade。
 
「同Frd唱通K。咁你又去邊食女呀？」
 
「我。。聖誕好毒咁食AC2囉。好豪，叫咗最貴果個餐。」
 
「扮啦你，林書生喎，一個人過聖誕。」Wade唔信。
 


「與其為咗打卡架硬搵人陪，不如自己一個仲舒服。」
 
「我真係唔明你。」
 
講講下，突然有人推門而入。係Mandy同埋。。。Carmen？
 
點解Carmen成個人變晒既？佢走去剪咗個好MK既短髮，仲染咗做灰色，著住黑色鬆身背心，背心側面好大個浪，可以望到晒佢入面既黑白間條Bra top。
 
住Hall咁耐，都未見過佢打扮到咁性感。
 


而Mandy應該返Hall無耐，妝都未落，著住背心短褲就過咗黎。
 
「Carmen你個頭想點？」Wade話。
 
「屌，媽阿好MK。之前咁正正常常咪幾好。」Parsons吐嘈。
 
我突然醒起，早兩個禮拜，Carmen問我鐘意邊個KOL多D，我順口答咗短頭髮有性格D。
 
唔通Carmen係因為我既說話先去剪頭髮？會唔會係我諗多咗？
 
一直以來，我都無留意過Carmen，因為佢份人真係太平凡唔出眾。
 
「你地著咁少，唔凍嫁咩？」我問。
 
「貪靚無計啦。16度都唔係好凍姐。」Carmen話。


 
「開返部暖風機乜都暖晒啦。」Mandy走去開同Felix一樣咁暖男既暖風機。
 
Felix：【今晚有稀客到！開定枱打牌！】
 
「喂，Felix send咗個wtsapp上Group。快D睇！」Wade好Hyper咁大叫。
 
「有咩稀客？唔通係傳說中既Janice？」Parsons興奮地猜測。
 
「屌，見到面又要扮咩都唔知，好撚老尷。」我心裡抹一把汗，心諗，同林敏兒見到面就大檸樂，到時Felix就會發現我係林敏兒個EX。以Felix既性格，一定會嬲鳩我唔出聲；而且佢都唔係好似Parsons咁可以同人共享女伴既性格。
 
「除咗Janice，我都諗唔到有第二個人選。但Felix平時都唔帶Janice上黎，點會等到單野人人都知而家先帶？」Mandy推斷。
 
「SP？舊相好？無理由既，佢叫我地開枱，即係女，仲要一齊玩啦。」Parsons話。
 


「屌，唔撚理，開住枱等啦。」Wade即刻Set場開枱打麻雀。
 
「你地洗唔洗落妝，沖個涼先？」我問Carmen同Mandy。我發誓Carmen咁既打扮唔係常態，Mandy平時著衫靚都不至於深夜都仲會化妝，睇到我好唔習慣。
 
「有人上黎就唔換住啦。」Mandy同Carmen都咁講。
 
Parsons：【幾時到？】我地已經擺好陣，大家都好興奮咁等待Felix同林敏兒既出現。
Felix：【等緊Lift啦！】
 
「佢話到啦喎！」Wade話。
 
「快D開始扮打牌先。」Parsons即刻瘋狂地洗牌，成班人就黎笑到斷氣。
 
「都係見下Janice姐。好On9阿你班友，洗唔洗咁大陣象。」我頂佢地唔順。
 


「鬼叫呢度得佢一個有拖拍咩！Felix既女朋友即係大家既女朋友！我地會俾佢賓至如歸既感覺～咁佢可以介紹佢D女仔朋友俾我識。。。」毒撚Wade瘋狂FF。
 
「係既係既。」我話。
 
聽到門外面既腳步聲，我地就知道Felix同Janice到了。
 
推門而入，映入眼簾既，唔係我地預計中既林敏兒，卻係撞過好幾次但我又唔敢同佢大招呼，大家都好喜歡，成日討論既Stephanie。。