一個書生既Player故事: 二九五

我好在意林敏兒係Felix女朋友，仲要重蹈覆轍俾帽人地戴。

我好憎林敏兒。

係林敏兒令到我睇到愛情黑暗既一面，係林敏兒令我唔再相信愛情。

佢係令到林書生大變既最大元兇，責無旁貸。

我都唔打算做D咩。



希望唔好再遇到佢。

我唔想見佢。

唔想被已成過去既人再次影響到我既生活。

遠離錯的人係對自己最好既事。


我懷著不快既心情去過咗一日既返學生活。



經過Felix房門口，聽唔到有人聲，我估未有人返到Hall。

心裡竟覺得鬆一口氣。

Felix係一個好善良，品行好好既人，就好似第二個羅嘉樂咁。

我視Felix如兄弟，如果真係要Share女朋友，我會希望佢同溫梓柔或者丁丁呢D好女仔一齊，而唔係同呢隻臭雞林敏兒！

Parsons呢期搞Inaug，好忙碌，成日出去開會，無咁早返到黎。



Carmen聽到我關門既聲音，推門就入黎。

呼，好彩無開始除褲打丁姐。

 「Carmen姐，早晨。」我由訓喺床，到起身同Carmen講。
 
 「咦，無人既？Felix佢點呀？」Carmen企起我張凳前講。
 
我張開雙手，露出一個無奈既表情：「唔知。聽唔到聲，應該未返。」

「Mandy仲未返，我好悶呀。」Carmen坐喺Parsons張凳度：「借黎上陣網。」

「哦，部機Parsons，你咪用囉。我都好悶，靜到諗住訓陣先。」



「十一點都仲未有人，定係佢地返晒屋企訓？」

「閒日返學應該就唔會。」

「做咩呀？你好擔心Felix咩？」我問。

「咁大件事，實會擔心嫁。你唔擔心Felix咩？」
 
「擔心呀。」光是胡思亂想就叫我想到出神。

「等佢返黎我地去問佢。」

「唔好咁八掛，俾D空間人啦。」 我有意無意逃避見Felix。雖然我知道無可能唔見。

「哦。」Carmen睇緊KOL既Instagram。



Carmen問我：「你鐘意邊個KOL多D呀？」

一個係落Club化濃韓妝，化到鬼五馬六又刻意露胸既公廁樣，一個就短頭髮金色頭髮染咗粉紅色髮尾，著衫皮褸、黑色短褲，Rock系、好有性格既打鼓手。

「短頭髮果個，有性格D。」我答Carmen。前者果種既女仔，真係見得太多了。

「我想改變形象。」Carmen同我第一日見佢果陣一模一樣咁平凡。長直髮，有點肉地，膚色正常，皮膚正常，有眼耳口鼻，五官正常，一個招牌跌落街都唔知砸死幾多件果種女仔。

「點解無啦啦想改變？」

「因為。。我覺得自己好平凡，好無吸引力。我想轉下形象。」佢似乎都知道自己既問題。而我唔知道佢想吸引乜野性格既人。

「多D扮靚無壞既。哈哈，我期待見到你既改變。」我對住Carmen一笑。





突然聽到格離房有好重既關門聲。

直覺話俾我地知，Felix返咗黎。

Carmen叫我陪佢，我地由廁所穿去Felix間房。

「Felix。。你點呀。。」Carmen一臉關心去問Felix。

朋友關心自己係應該開心既事，但搞到自己擺出一個受害人既樣子，好尷尬。

我係Felix就會希望大家唔好再提我既傷心處。

「無事啦。」Felix用一個好勉強既笑容去回答，明顯不是出自真心既說話。



「下？係誤會？」我問Felix。

「我問咗Janice。佢話同個男仔想夾份開間賣Sex Toy既Ig shop，個男仔幫佢影實物圖。呢D野咁尷尬好少會當街買，所以先要約上酒店。又知道我一定唔會批準，所以就黎一個先斬後奏，諗住同我講果日，點知講之前就俾我發現誤會咗。」

「唔係掛，咁既大話你都信？咁D私影相呢？」我問。

「佢話個Frd仲塊緊相。遲D send 俾我。」即係有幾日時間去間酒店重新影過相製造證據，咁都俾佢兜到，欽敬欽敬。俾我實會兜巴星林敏兒。

「唔合理。你諗下。私影真係會單獨同第二個男仔上酒店房又唔話俾你知咩？」我話。

「呢件事完嫁啦，我相信我既女朋友。你地唔好再講，當從來無聽過依件事。」Felix眼泛淚光，什麼話也不多計算，或許維持原狀，無條件「相信」先係最好既抉擇。

「係就好啦。」我話。

「今晚等埋Parsons返黎打牌？」我提議。

「唔啦，我好攰，想早D休息。」Felix攰到唔想再應我地。
 
「咁過幾日先叫你，你訓啦。」Carmen打圓場，我同Carmen就離間房走人，返自己房休息。