一個書生既Player故事: 二八零

我離開Michelle屋企，頭也不回、不自覺咁快步行咗好耐，直到去到九龍塘地鐵站，一個我覺得安心既地方，先至放慢腳步。

「呼。」我深呼吸一口氣。

俾Jerry恐嚇人地Michelle都未驚，我驚；連入去Michelle既房見到啲藝術品都驚，我係咪男人黎嫁？

我真係好細膽，唔想被人知道我有咁懦弱既一面。

Michelle總係令我又驚又喜，獲獲新鮮獲獲甘。



第一印象活潑可愛、知書識禮，識落先知係港女，最近仲痴咗線添。

Maisy都係一樣令我又驚又喜。

以為佢係一個好毒既女仔，識咗一日就可以同你搞埋一齊，仲係做援交性技造詣極高既淫婦。

喺荷蘭既外國留學生可以落藥迷姦群P、識既網友又會Changing Parner扑晒野、初戀覺得林敏兒係真愛自己係世上最幸福既男人卻俾帽我戴。。

你話吖，呢個世界仲有咩可以相信？



我愈來愈睇唔透。

由細到大，我認知既所有野都係假。

初時都仲有良心去做一個好人。但隨住太多令人心碎、扭轉價值觀既經歷，加埋魔鬼既誘惑令我做過咁多錯事都無受過應有既懲罰。

現在才學懂，以往覺得既「錯誤」先係「正確」。

呢個城市入面人人外表正常，每六十秒就過咗一分鐘去運作，世界從不為誰而改變佢既規則。



然而，表面既安穩底下卻是一潭污水，骯髒兮兮。

貪得意踩咗落去整到成身污糟晒。

覺得好污糟，想洗返乾淨。

即使我已經唔再主動踩落一灘污水度，但馬路既一輛車經過，又會濺到自己成身都係。

又或者落完雨既一條馬路，點行都係污糟。。。

你已經忘記咗條馬路本來有幾乾淨。

馬路有好多污水，不是理所當然既事嗎？

人生就係一個局玩無選擇既遊戲。



不如忠於自己。

去他媽的道德。