一個書生既Player故事: 二六八

此刻既我正喺Hall搭Lift落去City，諗住去南山買啲野食俾正進行地獄Con day既Parsons。
 
「喂～」一出Lift，我見到Ken同Stephaine行入Lift。Ken主動同我打招呼。
 
「咁晏先上黎既？」理論上十二點就要拍走。
 
「屈蛇。哈哈，撞正實Q轉更～」Ken細細聲話。
 
「嗯。再傾。拜。」我露出一個耐人尋味既笑容，寓意祝佢玩得開心啲。
 


猶如蒸餾水一樣清純既Stephanie就喺我樓下被雞蟲Ken污染，可能琴晚阿Ken先中出完隻雞，今日就黎瘋狂抽插Stephanie。我唔敢去想像呢件咁邪惡既事。。



 「香港城市大學學生會第XX屆商學院候選內閣XXX一號XXXXXX。」 或許時間尚早，仲係Formal con緊，問有關Proposal既野都比較無聊無花生食。

其實我都唔知上莊係乜，我剩係知道Parsons一直都好努力做好P呢個角色，想莊員團結合作，想搞到好既活動去服務基本會員。

基本上Con Day問既所有野佢都硬食晒，小至Proposal既字體格式，大至搞活動既Budget、莊內既關係問題都硬住頭皮去回答，一個打幾十個老鬼。平時低低能能以為淨係識玩同媾女既Parsons令我改觀了，覺得佢份人好有承擔，我相信佢黎緊一年一定可以好好Lead住佢既莊員。
 


 等到凌晨一點都未有中場休息既跡象，我卻接到一個陌生既電話。

「喂，你好，你係林書生？」把聲係一把有點年紀既女人聲音。

「係，我係。請問你係？」

「我係Michelle既媽媽。係咁既，有D事想搵你幫手，唔知你方唔方便傾兩句？」

「可以。」