一個書生既Player故事: 二五三

返到黎香港，一時之間都唔知做乜好，太多朋友要約見面！

同父母聚少離多，久別重逢，都只能夠享受幾日既家庭樂，我又要開始返忙碌既Year 2 Sem B生活。

City果面已經開咗Sem，我走咗幾個禮拜堂，返黎已經開始要交Assignment同埋準備Mid term。

特別多謝Parsons同靜宜拍爛檔幫我分組、Take attendance、抄Notes、錄音上堂。除咗髮型同打扮，佢兩個都無乜改變，Parsons依然On99咁好玩，得閒食下女；靜宜仲係我識既E&F清泉，Gfable既乖乖女。

跟住就慢慢通知唔同既朋友見面。



朋友們既近況靠Whatsapp係唔會知太Detail，男人老狗，唔會喺度叫春嫁嘛。

肥傑都仲係媾唔到女，佢話打定輸數一世都媾唔到女，要儲錢北上叫雞破青，但我睇死佢個毒撚一定連叫雞都唔敢。

陳詩詩仲同俾帽羅嘉樂帶既組爸一齊。

丁丁有一個S系男友，修身養性。

阿婷依然係咁大食，返ibank識咗個大佢好多，有錢但係短小精幹既正常樣男友；日日就喺男友唔察覺既情況下玩辦公室偷情，撩同事上床。



我最估唔到係，老襟Civil仔羅嘉樂竟然同咗我地上次落老蘭撩既單身樂瞳拍拖，違反佢以往穩陣既原則，同一個老蘭識既女仔認真起黎。

故事係，乖乖仔羅嘉樂被單身樂瞳輸追不捨咗半年，終於感動孝天，喺女方同男方表第三次白之後，決定俾個機會大家試下。

「你竟然會信落老蘭既女仔。」我聽得出佢係認真既。

「見佢咁有誠意，呢個年頭追你半年唔容易。同埋認識後發現佢好單純，成個小朋友咁，份人無乜機心，OK既。」

「拍咗拖大約三個月，So far so good啦！」



羅嘉樂仲話好欣賞阿瞳份人好有火，對生活既大小事都好有衝勁，唔會考慮咁多，同羅嘉樂乜都擔心一大餐既性格互補。

原則遇到某D人確係可以改變既。

水會Cammi、Candice、Eric果D酒肉朋友，就算啦，太忙唔得閒了解佢地，有機會約大型飯局再一次過問下近況。

溫梓柔、林敏兒已經完全唔知道佢地既近況，正式成為歷史人物。