一個書生既Player故事: 二四九

「我無興師問罪，我只係想同你傾下我既諗法。」我用我最冷靜既語氣講。
 
講完依句說話之後，大家靜咗幾秒。
 
Michelle毫無悔意，個樣除咗西，仲附帶一個我做錯事，唔應該撩架嗌既表情，睇到我火都黎埋。
 
大佬，我好聲好氣問你，咁我都唔啱呀？你有無離譜咗D？
 
佢呢個表情係幾咁令人反感。
 


唔覺得自己做既野有問題，再講落去都無意思。
 
 「算啦。食野啦。」
 
我唔想再喺呢個問題度爭持。
 
呢個問題都唔會有結果，Michelle唔會為佢既事道歉，我條氣就只有唔順而無一個解決既「方法」。
 
如果喺度鬧架分手，唔通掉底Michelle自己一個人喺冰島分開玩咩？佢因為我出咗事既話，我點擔當得起？點都好好過埋依個Trip先。
 


本來我都諗住返香港同佢講分手。
 
佢呢一刻對我黑面，我下一刻唔會俾面佢，到分手果陣，睇下我點撚樣屌柒佢。
 
「咁咪好地地囉！一朝早喺度撩架嗌。」
 
八婆！俾位你落台仲唔收手！
 
今日呢條氣，將來唔還俾你，我唔叫林書生。
 


 
我望一望電話。
 
【KPK liked your post.】
 
江柏琪見到啦。
 
唉。
 
我唔想佢知道我同其他女仔既野。
 
嘆息。