一個書生既Player故事: 二四八

睜開眼，就已經係第二朝喺冰島美好既早上。
 
我起身用電話查下今日既天氣，卻見到奇怪既Notification，有好多人Like我既Instagram，個人即刻醒一醒。
 
奇怪既位係，我好少用Ig upload相而最近都無Upload過相。
 
我望一望熟睡既Michelle，實係佢做既好事啦。
 
睇下佢Up咗啲咩先。
 


Michelle up咗我喺藍湖影既泳衣照，Caption寫住：Michelle女神好瘦呀
 
呢條友真係自戀到好不顧人感受，肥咗咪肥咗囉，唔認仲要自己Like埋張相。
 
頂！我有批准過你咁做咩！
 
我既IG從來都無Po過任何女仔既單獨相片。
 
我覺得公開拍拖係一件需要認真對待既事，講緊係我對呢個人地位既認證，係非常之有意義。
 


再者，佢有無考慮過我想低調唔想俾其他人知？
 
仲要打埋啲咁撚狗公既Caption，叫我顏面何存。
 
乜野都自把自為。
 
如果江柏琪咁做我又無咩所謂，可能仲會覺得幾Sweet。但Michelle咁做，我只覺得佢好Over，好冒犯，好過份。
 
咁多人睇過張相，我Delete咗佢好小家。
 


所以最後我刪咗個狗公Caption就算。
 
林書生係一個有教養又脾氣好既人，我忍，我唔會鬧佢，我會同佢開心見誠去溝通，講下我既睇法。
 
等佢起身，一齊去酒店餐廳食早餐，我先至開口問佢。
 
 
「你，係咪有D野要同我講？」我問Michelle。
 
「下？你緊講咩？」Michelle笑笑口答我，喺度詐傻扮懵。
 
「我講緊Instagram張相，你點樣Login我Acc upload嫁？」
 
「我見你訓得咁林，咪用你手指解鎖Iphone入去Po相。」
 


「點解要咁做？你Po之前係咪應該同我傾下呢？」我語氣盡量唔俾佢覺得我責備緊佢。
 
「我嬲你話我肥，咪報復囉～大家打和，一人一次啦。」Michelle見我開始認真Mode，開始帶返個頭盔。
 
「都係一張相姐，唔洗咁認真啦～」Michelle話。
 
「乜你好想公開我地既關係咩？」我問佢。
 
「我知你份人低調。。張相都無講過我係你女朋友。。只係講女神姐。。」
 
「我唔介意你想公開我地既關係。只係我覺得你偷偷地Login我部機仲要Po野過份咗。」
 
 「唔想咪算囉！興師問罪做乜姐！」

你唔明白呢樣野對我既意義。



你淨係識諗自己嫁姐。

「我無興師問罪，我只係想同你傾下我既諗法。」