一個書生既Player故事: 二四一

Michelle：【好眼訓。。琴晚Party完，而家同Flatmate一齊去瑞士。。】

 我：【帶多件衫唔好凍親，驚你上雪山凍到病阿】都是陳腔濫調，沒有真的關心的客套說話。

Michelle：【幾時有得見你？我地好似已經好耐無見。。】

我：【不如咁啦，等我完Sem考埋個試就成個月同你一齊拍拖。見一見你就走，好無癮。】其實係約Michelle好麻煩，亦唔係特別想見。如果真係想見，幾忙搭半日機都會飛黎見你一面。

Michelle亦都唔Care：【好啦，約定你啦。我上機啦，再講。】



所以我成日話我同Michelle既關係網戀咁既款，名存實亡，各有各玩。距離開學已經接近四個月，我只係飛過去英國搵過Michelle一次，仲要係走得果兩日堂，快閃五日，每日Hea遊一兩個景點，就返去Michelle宿舍啪啪啪。

無論有無我既存在，Michelle Ig男友視角既照片依然更新得好頻密，都唔知換過幾多個男人幫佢影相了。

Michelle外向又英文好，同Flatmate玩得埋好Frd，讀書得黎又真係會深入瞭解當地文化，係真真正正係融入外國既生活。

唔似得我只係想享受喺外國生活既悠閒，咩都唔做，最鐘意就係漫無目的咁Hea下Hea下，訓到黃朝八晏，落街踩下單車，買餸煮飯食，得閒又訓喺草地睇下書、打下機。上堂、功課、Mid term什麼的，對考慣試既我無乜難度，Mid Term只係考好似中學生背到既基本野，比起香港輕鬆太多。

呢四個月改變咗我既野係，原來，自己一個都唔係想像中咁可怕。



同喺香港最大分別係，一個人黎到外國反而俾到空間同其他人分隔，不受打擾。如果想要社交，我只需要主動同人問好，R下人傾計就可以，想一個人，就一個人；想搵朋友，亦都可以，任君選擇，非常自由。

我約得最多係住得近既Wade坐火車去到既短Trip，德國、瑞士、意大利、西班牙、奧地利都有我同Wade既Hehe痕跡，都熟絡咗唔少。阿Wade係一個心地善良，把口講多過做，善良又純真既膽小鬼。講真，兩個男人一齊玩On99咁開心過要服侍D大小姐。

時光飛快。