一個書生既Player故事: 二二六

我地返到去岸邊既餐廳食Tea。
 
Michelle揀咗個Panini包，超肥大既海鷗（大過一個枕頭呀）對我地既食物虎視眈眈。

我唔知咁樣算唔算拍拖。

我同Michelle既互動淡如止水，大部份時間都無乜點講野，安靜的。

呢份安靜並不令人討厭，兩人之間既相處係舒服的。



安靜更好。

我唔想同Michelle分享自己內心既感受。

更準確黎講，我唔想同任何人分享自己既感受，明我既人，就算我唔講出口，佢地都會明白。

喺依一刻，有一個不太討厭既人與我一起分享呢個美麗既地方，也不至於孤單一人，就夠了。

我都係怕寂寞既人。



有得揀既話，邊個會想自己一個呀。
 
黎Exchange林書生最大既課題應該係如何面對一個人的時間吧？


唔認識林書生既外人會覺得我性格幾玩得，都Charm charm地，份人無咩野諗。

但我深深明白，林書生不過是靈魂死掉的軀殼而已，早已腐爛死掉的心靈已不是誰可以拯救到我。

我嘗試讓自己的生活變得精彩忙碌。



希望忘記在香港發生令人不快的一切。

希望能夠重新開始。

發生過就是發生過。

記憶就像塗滿在白紙上的顏料，豈是你說抹掉就能抹掉？