一個書生既Player故事: 二一三

成個人好攰，但因為好口乾，導致我訓得唔係幾好，朝早八點鐘就醒咗。

我瘋狂飲水。

有我Hangover呆呆滯滯既感覺，但無飲醉酒咁辛苦頭痛。

呼，總算活過來，琴晚我真係以為自己就黎死。

我坐係電腦椅前面發呆。



Eve既宿舍位於市區，面積較小，放完一張大床、衣櫃、電腦櫃已經無咗好大既活動空間。

見到兩個大紙箱放喺地下，放咗一半野。睇黎Eve呢幾日就會搬。


「咁早醒既。」Michelle既聲音係我背後出現。

「好口乾就起身飲下水。」

我問Michelle：「你見點呀？」



「我琴晚食完乜都Feel唔到，你兩個已經收咗皮，喊出黎。」

「琴晚真係，不得了。。」我回憶呢個又驚又喜既Trip。

「係點嫁？正唔正？」Michelle好好奇。

「好難形容俾你聽，不過整體黎講係正既。」我答佢。

「我去英國之前一定要試埋Space cake先走。」



「哈哈。搵晚再去試囉，你幾時走？」

「我無買火車飛嫁，我預三日倒啦。」

「Eve呢？」

「佢後日飛啦，唔知佢今日仲有無精神出去玩。」

「佢今日應該要執齊晒野。咁你今日諗住點？」

「做咩呀？想約我去玩？」Michelle問。

「我又未開學，都唔知今日做乜。你有Plan咪一齊。」



「有嫁！我想去睇博物館。」

「好呀。我有D肚餓，出去食個早餐先？」我問。

「Gogogo！」