一個書生既Player故事: 一九四

話說，Ken終於都Po咗佢同女朋友既合照上Ig，寫住Happy 5 months，佢地去咗迪士尼玩，攬住睇煙花，做正常情侶會做的事。

禁咗個Tag，原來佢女朋友叫做Stephanie，Icon係同Ken既合照。佢IG Private咗，同江柏琪一樣，只係得好少人Follow，唔夠一百人。

見到佢地咁Sweet，但作為一個旁觀者，知道Ken係背後做咁多野，果種道德既內心交戰令人好痛苦。

一直以來，我有咁多SP，但從來都無做過第三者，或者刻意呃另一半出去玩。

同阿婷扑完果次，我都即刻同溫梓柔分手。



我覺得感情係好神聖、好忠貞既事，唔應該欺騙自己既另一半。

我真係無辦法同意Ken所做既事。佢係一個愛情上唔忠貞既慣犯。

但我乜野新鮮蘿蔔皮，憑咩去理會人地？



今日Ken同Kimmy兩個單獨落咗黎玩。



落黎呢度夠隱閉，撞到人可以話飲酒，飲到咗上下就去附近既時鐘爆房，一定係咁。

佢地一落到黎已經好熟悉咁摸來摸去，又會打茄輪。

睇到眼冤。


飲到十點幾，Ken無啦啦叫我過去。

「書生，幫幫手，影張相俾我打卡交人。」



「姐點？」

「你叫埋Mavis黎幫幫拖啦。」

原來佢影相交人既意思係，影相證明俾Stephanie睇，Ken係同班朋友有男有女咁出去。

Mavis早已見怪不怪。

我同Mavis擠埋去佢地張枱度自拍。

我將手掌放係下巴度，頭側側等佢影唔到我個樣。

我唔想做幫手呃佢果個。雖然咁做其實無意思。




自從識咗江柏琪，我份人真係心軟咗好多。