一個書生既Player故事: 一八四

我地八個人坐埋一齊都有D迫，基本上大家已經係大脾掂大脾。
 
我將手放係黑絲Vanessa既後面，佢都無逃避既意思。
 
咁我先至慢慢放係佢條腰上面。
 
Parsons耳仔掂耳仔，係咁同大波Joenna傾計，非常進取。
 
肥傑傻傻呆呆咁，同正常樣Alice無乜特別既交流。
 


 
 
飲到咁上下，都微有酒意，就到咗尾班車既時間。
 
「差唔多時間啦，我走啦。」羅嘉樂話。佢真係對呢D媾女活動無乜興趣，我都無謂強行留底佢。
 
「你地住邊嫁？」我問班女仔。
 
單身樂曈同羅嘉樂（其實即係我地）住同區。
 


「咦，你兩個咪順路囉。不如羅嘉樂送埋人地走啦。」
 
「係囉係囉！」佢幾個女仔Frd見佢失戀，都好積極一齊推波助瀾希望佢地認識。
 
樂瞳望一望時間，黑絲Vanessa：「再唔走，就三點後同我地一齊搭的士啦。」
 
樂瞳聽到即刻講拜拜，同羅嘉樂走咗。
 
唔知點解個心好興奮，唔知佢同羅嘉樂會唔會擦出乜野火花呢？
 


不過羅嘉樂呢個少林寺出黎既好男人，一定唔會撩佢做D咩。
 
 
「轉場？」Parsons問。
 
「我有少少醉醉地想返去。」大波Joenna挨落去同Parsons講。我
 
我心諗，飲果幾啖都話醉，你個理由都幾牽強。
 
「咁夜一個女仔返去危險呀，我陪你坐的士返去啦。」Parsons話。
 
「咁。。我地一齊轉場？」我問黑絲Vanessa。
 
「好呀。。」佢直頭無問過普通樣Alice既意思，就答我好。
 


就係咁，我地埋單、散Band各自搵食。。
 
 
 
我搭住黑絲Vanessa係蘭桂芳遊走，佢著住條白色毛毛裙，高跟鞋行Cat walk咁係條斜路上行，捉住我膊頭做扶手。
 
出到大街有燈光既照射，好讓我可以望真Vanessa個樣。外表生得好Chan Ka Yan，目測年紀同我差不多，畫住好勁既濃妝眼線ABC紅唇，一頭Mocha淺啡色既曲髮，通街都係既Victoria Secret蒲精香水。
 
係大學同埋蘭桂芳真係見到好多又靚又索既女仔，多過晒我做咁多年人加埋既份量。只係通常都係脂粉味濃，想見到無化妝既清純乖女，例如溫梓柔果種，係近乎絕種。我開始識得欣賞呢種老婆型既女仔。
 
溫梓柔呢D乖女仔，應該拎黎錫，唔係拎黎扑。
 
我當年一時衝動玩弄咗佢既感情，錯得好離譜，真係唔應該咁對真心鐘意自己既女仔，希望我咁做無毀掉佢既一生，唔想再造就另一個如我一樣既惡魔。
 
玩同認真既女仔，要識得分開。如果佢對自己認真，就唔好因一時衝動再傷害人，反正玩既Pool咁大，隨手都搵到。