一個書生既Player故事: 一八三
今日我搵咗Parsons、羅嘉樂同肥傑出黎Mens talk，實行兄弟大融合。其實呢個sem同Parsons日日見面，上堂又一齊，去蒲又一齊，佢份人醒目嘴賤又On9，又鐘意媾下女，同我臭味相搬，我都當咗Parsons係半個兄弟，不過我地對大家認識流於表面，好少會傾到好Deep。
聽完Eric介紹我地去咗LKF既Graffiti飲野，閒日夜晚都仲有Live band表演，都幾Chill嫁。
「點呀，咁難得叫我地出黎，有咩花生想講？」羅嘉樂講完就低頭飲佢既Mojito。
「唔係講錢，咁一定係講女嫁啦！」肥傑話。
「江柏琪分咗手。」我話。
「下？咁快？唔係上個月先話一齊咩。」肥傑一臉有興趣既樣子話。
「肯定係。。俾人。。」羅嘉樂不忍話。
「中出即飛！」Parsons好口賤咁講！
「唉，不要再說了。」
「我都唔明陳詩詩點諗，錫佢對佢好硬係唔鐘意。係要鐘意D假象，一個月都未了解就一齊，會走得遠咩？因了解而分開就有。」同陳詩詩分咗手既羅嘉樂都有感而發。
「貪新鮮。」Parsons話：「恃住自己年輕有幾分姿色，又有其他男仔媾，咩都想試下。到老咗又搵我地埋單。呢D女仔，試過一次就不了。」
我話：「羅嘉樂你HKU Civil仔荀盤，唔愁搵唔到女朋友啦。」
羅嘉樂真係幾好仔，做野認真，人品好，搞笑理智，講笑又識分寸，樣唔差又專一，係樣少少MK同埋除咗打波都無乜興趣。都係果句，我係女仔既話，一定會搵羅嘉樂做男朋友，而唔係我同Parsons呢D咁吊兒郎噹，成日食女；又或者肥傑呢D蠢蠢地又兵仔格無大將之風既人做另一半。
「但係呢D女仔就好似七仔咁，總有一個喺左近。」我好悔氣咁話。
「咁又唔洗講到咁灰。都總有一個好既女仔喺左近。」羅嘉樂仍然相信呢個世界。
「我地用行動證明呢個世上既女仔都係雞！」我講完自己都笑咗。
「哈哈，你要點證明？。。」Parsons問。
「我地一人揀一個女仔，今晚撩佢地上床！如果四個都成功，咁4份之4即係100%既女仔都係雞！」
「林書生，你傻咗咩？就算成功晒，你個Data base都係得四個人，好明顯係Bias啦！而且你個Sampling完全係Non-probabilistic，條數唔係咁計！」耶穌佬工程師上身既羅嘉樂話：「仲有呀，你不停搵證據去證明世界係咁灰，對你有咩好處？你係要搵，點都搵到嫁喎！」
「你又唔諗下世界幾多對情侶可以甜蜜到白頭到老！個世界唔係你諗到咁黑暗！」正能量爆燈。
「咁客觀事實係，我地身邊暫時無人成功拍到長拖唔分手唔出軌喎！」我反駁。
再講，你又接觸到幾多混亂既地底關係？
我無特登去搵證據，而係個世界既關係真係咁不可信任。
越知得多，你越無法相信呢個世界係有真愛。
「我比較想知你點樣可以一晚撩到D女仔上床。」毒撚肥傑最關心既題目。由細到大，肥傑只係想要女姐。
唔知係咪城市既人都比較世故，定係我同Parsons都俾水會既文化洗腦，真係「曳」少少。
「我示範俾你地睇。拿，果邊果枱個黑絲囡囡同大波囡囡，一人Mark一個啦。」我同Parsons講。
「挑機？怕你呀！」Parsons接受我呢個媾女挑戰。
我同Parsons用熱熾既視線望住附近枱既兩個囡囡，待佢地都注意到我地既視線，走埋去同佢地打招呼。
我好Gentlemen咁話：「Hello。做乜落黎飲野個樣咁悶既？」
「下？有好悶咩？」黑絲囡囡感到錯愕，笑咗。
「有阿。好似有心事咁。」我鳩Up。
「其實我地等緊遲到既朋友。」
「不如你過黎我地枱度玩住等你朋友啦。」我指住羅嘉樂同肥傑果邊。
黑絲囡囡望住大波囡囡，大波囡囡話：「好呀，一齊玩啦。」
「我朋友啱啱失戀好唔開心，要搵D女仔同佢傾計。陣間介紹你D朋友俾佢識啦。」我話。
「哈哈，我遲到果個Frd又係失戀，都幾靚女嫁。」
「真係嫁？你靚D定佢靚D？」
「佢啦！俾相你睇！」黑絲囡囡拎起佢電話既Wallpaper俾我睇，佢個Frd文青打扮都叫眉清目秀，Cute Cute地個Feel有D似樂曈。
「唔。。我覺得你（對腳）靚D喎。」我話。其實我亂Up，兩個都唔差，佢有D陳嘉茵Feel，索黑絲索少少。
「係咪嫁！」黑絲囡囡俾我讚到輕飄飄咁。
「係呀，我份人講野就最誠實。」
佢個樂曈朋友到咗，仲帶多條正常樣既女仔落黎。
就係咁，我帶咗黑絲囡囡同大波囡囡返黎，肥傑一副難以相信、羅嘉樂側一副有D料到喎既樣子。
黑絲囡囡坐咗係我格離，大波囡囡就係Parsons格離。
四男四女，我地做咗個簡單自介，Pair up咗一齊玩圍枚撞機。
「三十！」
「二十！」
「中呀！」黑絲囡囡Vanessa輸咗，我話：「我幫你頂啦。」
「繼續。十！」Vanessa話。
「左邊定右邊？」Parsons恥笑Vanessa：「你快D飲！」
「Sorry呀，搞到你又要飲。」Vanessa同我講。
果兩淡酒，少意思啦。
「輕鬆啦。」