一個書生既Player故事: 一四七

中間再返學校練咗幾日舞同Beat，好快就入正Camp啦。我同江柏琪同日入Camp。

我：【玩O Camp小心啲呀！唔好整親！有野打俾我】
琪：【得啦長氣～】
我：【有靚女都要介紹俾我呀】
琪：【你果度咪有好多靚女！】
我：【不過最靚係屋企果個^^】
琪：【Ok thanks I know I am】好自大既女人呀。
我：【開始啦唔講住了】



我地一返到去就誓師Dem Beat。

正Camp好多人，我諗係間大房入面都有百幾人。

三個House既人分晒唔同顏色既Tee。

由House cap同組爸媽既帶領之下要同其他House對Dem。

「我地係邊個？！」



「woo～我地係～奶黃包奶黃包奶黃包～」

當外人聽到奶黃包個名好柒，但當一班人同你一齊好認真咁Dem奶黃包，身在其中，你頓時唔會覺得柒，你Feel到大家都好努力嗌大聲D想去超越其他House，果種好Firm既Team Spirit真係好正。

「咁啦，我地做黃大仙、九龍灣、油塘咁兜圈落到去中環搭船，呢幾個Task有Combo高分啲！應該唔會包尾遲到。」Parsons帶領住我地Dorm去玩呢個Game。

每當係唔同地方撞到其他House既人，我地唔會Say hi，而係會用Dem beat呢種語言去溝通，練習有素既奶黃包嗌到力竭聲嘶，Dem到出晒汗，話俾你地知我地奶黃包唔係好恰，唔好諗住有機會Dem爆我，呢啲叫霸氣！好熱血！





我仲記得係沙灘做Task大混戰果陣，同好多唔識既人玩辣辣壽司。

「辣辣壽司邊個食，我唔食，你要食，三個三個邊個食。」

「Cammi你錯咗啦！」

「吖！！！」每次我都好狗，就算對面係女仔我都唔會留手一野狠狠咁射晒D水去佢塊臉上面，所以入面D人都叫我「狼書生」。
 
「唔好射面丫正仆街林書生！」

「呢度福音營黎唔準講粗口呀！」我再搵另一杯水撥落佢塊面度。「呢杯水係罰你講粗口既！」

「賤格！！」Cammi笑笑口同我講。果然呢個世界上所有女仔都係有M底屬性。

「哈哈哈。記住唔好再講粗口啦！」


 
 

呢個O Camp既遊戲係有好多機會身體接觸。

有個Game係要揹住個女仔轉圈，之後跑到去check point度拎野再返轉頭。

「林書生！就你啦！」Nancy一野就跳上我背脊。

我揹住我地組正常樣有滑腳既Nancy跑，住我點樣禮儀手，都會抽晒佢大脾既水，仲有佢請我食既波餅，福利Game。。。

好滑好好摸。令我不禁諗起，唔知江柏琪係紅磚既O Camp有無俾人抽水呢？

不過其實都無乜野啊。唔係D人講到咁淫亂同玩得癲，無乜新聞見到既噴奶呀、意淫野，正正常常。




完咗水Game換衫食飯已經係夜晚。 

原來我由朝早到夜晚都無Check過電話。

我：【開始啦唔講住了】

全日都無SMS，mo la mo la。

我：【今日玩咗住半日水Game，攰死啦。】

「行啦林書生，要去夜行啦！」組爸阿東催禁緊電話既我。

「係既！」



結果等到我食完飯都未有SMS回覆，可能佢都好忙，我有D掛住佢。