一個書生既Player故事: 一二二

阿婷：【林書生，好耐無見！幾時出黎打波？】阿婷指既當然係友誼波。
丁丁：【書生。。你最近失晒蹤搞咩呀？】
 
最近忙住睇樓，又要見江柏琪，我都無乜心情點覆佢地Msg。
 
我好似從咗良。
 
我過唔到自己果關。
 
我會覺得，如果再搵SP就對江柏琪好唔住，即使我同佢並唔係拍緊拖。


 
我：【最近好忙阿，要開始溫書。Sor】
 
所以我統一Msg拒絕咗佢地，希望佢地唔好再搵我搞野了。
 
 
「做咩煞有介事咁望住度電話？」羅嘉樂問。
 
「無野呀。發緊呆咋嘛。」我答。
 


「唔係話緊你呀。我話緊肥傑。」
 
「係喎。你做乜苦瓜乾咁既樣？」
 
「Vera同我講分手。。。」
 
「！！下，真係嫁？？」我好撚興奮，條八婆快D同肥傑分手啦，唔好再係度害人。
 
「琴日係我地拍拖200日紀念日，但我唔撚知無準備禮物俾佢，就話我唔愛佢要分手。」
 


「邊個會得閒去數一齊200日呀！條女是咪On9！」我話。
 
「佢話D韓國人係慶d咩22日呀，100日，200日咁數。佢老味，鬼知呀我！」
 
「但你個樣都唔係好Hurt，好快無事啦。」羅嘉樂話。
 
「Vera之前都講過十幾萬次分手啦。應該無野既。」
 
「Er....條女好伏，係你先頂得佢順。不如放過你自己，快D同佢分手啦。」我終於忍唔住講出心底話，叫人分妻。
 
「你條仆街D價值真係。。哎我唔識講。。郁D就叫人分手或者媾過件。」肥傑忍不住還撃。
 
「咁人地經驗之談。你咪聽下囉。唔岩聽咪由佢。」羅嘉樂好隠悔咁撐我。
 
唉，係你太蠢睇唔清個局勢姐。


 
到條女搵到第二條水魚，到時一定會果斷飛咗肥傑。
 
我都無謂再係依個point糾纏落去，我轉問羅嘉樂：「點呀，陳詩詩而家仲有無理D狗公呀？」
 
「應該有。我無理了，眼不見為淨。」
 
「哈，咁樣好咩？」我一定接受唔到。好似何諾軒咁既狗公，就算媾唔到你條女，都會令你地感情變差。
 
「愛佢就要咁啦。」愛佢真係要委曲求存嗎？
 
「嗯。咁都幾好呀，大家講個信字。」哈哈。。我都唔識講了。
 
「你個江柏琪呢？」羅嘉樂笑問。
 


「咩我既姐。從來都唔係我。」
 
「你個仆街唔好又搞到人受傷呀！」
 
「你都On99，我地係好Pure好True既朋友囉。」
 
「呢條女好難Carry！」肥傑話。
 
「人地鐘意向高難度挑戰，吹咩。」羅嘉樂話。
 
「收皮啦肥傑，你果條就真係極品。」