一個書生既Player故事: 一零九

翌日，係學校走廊，我見到江柏琪挨住欄杆毒企，條白色校裙舌左上去，見到晒底裙走晒光。我行近觀察。
 
係佢周圍附近既同學明明見到晒，都無人提佢。
 
第一次入4A班串江柏琪收妝埋埋果個中上樣八婆，叫Zoe，見到之後，入班房拉左坐江柏琪後面果個綜藝樣男同學Tiger出黎。
 
「你之前咪話人地好正既，而家俾你望真D啦！」Zoe帶住Tiger係背後指住江柏琪係度笑。而傻傻發呆既江柏琪仲未發現。
 
我忍唔住走過去，拉底返佢條裙，搭住佢膊頭話：「你岩岩走光。」
 


我另轉個樣堅嬲咁啤實Zoe同Tiger，佢地兩個嚇到即刻唔出聲，「呀借功課俾我抄啦Tiger仔。」就行返入班房。
 
「咁撚蠢，走光俾人笑都唔知！」我話。
 
佢望一望我踏住佢既膊頭，「喂，係咪想好似上星期E班條友咁因為搭女仔膊頭俾人記缺點？」
 
「Sor囉。」我笑。
 
佢偷望左我一眼，細細聲咁話：「Thanks.」
 


睇黎江柏琪係俾人排擠既對象。。。
 
咁又係，人地A班圈子都固定左幾年，你插班得黎仲要性格咁鬼西，你估個個都好似我咁頂得順你咩，俾人排都唔係無道理。
 
「做咩成日都築起度牆黎保護自己姐，其實你可個人可以放鬆少少，對啲同學笑多啲，世界都美好啲。」我開始社工上身俾意見江柏琪。
 
「你唔鐘意可以唔理我。唔洗諗住改變我。」
 
「唔敢。你想點就點啦。」就算你變成點，你都係我認識果個江柏琪。