一個書生既Player故事: 二十三

七月。

無風無浪。

無同林敏兒聯絡過。

無見丁丁。

都無見肥傑。



咩都無，真正既摺埋渡日。



好快就到左中學派位既一日。

一大早帶住不安既心情返學校。

不明朗既未來即將要揭曉，大家都無心情再吹水講笑。



唔知道入中學呢件事對我往後既人生有幾大既影響。

如果我同林敏兒入左同一間中學，應該會好返，繼續好落去？

如果，我同丁丁呢入左同一間中學，故事又會點發展呢？

林書生，你係度諗緊乜。。。





「今屆派位大致上都唔錯，我地A班有八成人派到第一志願。有需要既同學，陣間可以搵埋家長同我同派位主任既意見。」

Miss Chan一路由一號叫到去九同十號。

頭八個人拎到張紙都係好開心咁大笑，唔洗問都知派到去第一志願。

「林敏兒。」老師終於叫到林敏兒既名。

只見到林敏兒好緩慢咁出去拎張紙，望完張紙，佢都有笑，不過俾我感覺係一個苦笑。

「林書生。」

我急不及待出去拿張紙。

拎住張紙上手一望，上面寫住「A中學」。媽，我得左啦，我成功入左第一志願啦！！！！





咁到底林敏兒入左邊間中學？

係咁望住佢，但佢連一眼都無望過黎我果面。。。

我好緊張，都有D心痛。。。

王家欣係我隔離，原來佢都入左A中學。

佢好興奮，但我都無心情理佢。

我淨係想知林敏兒到底入左邊一間學校姐。



一解散，我即刻衝去林敏兒度問個究竟。



「林敏兒。」我衝埋去佢度，佢即刻另咩面。「你入左邊間中學？」

「做咩另咩面姐！」我俾佢搞到我都燥晒底。

佢粒聲唔出遞張派位證俾我，上面大大隻字寫住－－－

【林敏兒／B女子中學】

「。。。」下。。。

點解會咁。。。



明明你成績都好好點解都入唔到第一志願。。。



林敏兒唔敢望我，低頭好輕聲咁講左句：「對唔住。」

「我講唔過我媽媽。佢唔俾我改志願。我擺左A中學做第二志願。」



。。。。

。。。。





所以，佢入左第一志願？

所以，我做左傻仔？

「有無搞錯呀！咁大件事你都唔同我講！」我真係嬲。

「我到底為左D咩先要咁努力讀書仲同屋企人嘈一大輪就係為左要同林敏兒你條蛋散入同一間中學？」

我好惡好大聲咁講。

「。。。」

你老味呀而家同我講你根本無擺A中學落第一志願！！！！！！！！！！

講笑呀？？？完全俾人擺左一道！！！！

呢舖你都玩得我甘。。。

原來俾自己信任既人出賣係咁既感覺。。。

無語！！！！除左恭喜我真係唔知講乜好.jpg

林敏兒俾我大聲鬧完之後，又駛出佢必殺技，流馬尿。

我頂你個肺！！！！！！！

我唔係想計較邊個付出多Ｄ！！！！

只係！！！！有更好既名校我都唔讀！！！！！！！

我都未喊！！！！！！！你同我喊乜春？？？？？？

喊喊喊！！！！！你D女仔除左喊仲識咩嫁你老味！！！！

仲想我哄你？？？？

公平咩！！！！！！！

我呢舖一定唔撚哄呀我同你講！！！！！



於是我好撚嬲，頭也不回咁樣走出個班房。

「呀！！！！！！！！」我出走廊好似個痴線佬咁大叫，D同學同家長都用奇怪既目光黎望住我，我一於懶理。

我落去禮堂搵等緊我既媽媽。

「呀！！！！！！！！！」我應該要俾人送去青山。呢一刻我應該有D過渡活躍症。

「仔，你係度做乜野？」呀媽見到我大叫，滴晒汗想扮唔識我咁既樣。

「無野。」見到呀媽，我都收斂返少少：「入左A中學。」

「入到第一志願唔係應該好開心咩？」

「原來林敏兒無一齊擺A中學係第一志願。我好唔開心。」

「同你講左嫁啦，又唔聽。好彩A中學都唔係咁差。你要為自己既選擇負返責任。做左中學生，唔可以再咁唔成熟啦。」

「。。。」我目光散漫，並無任何焦點。

冷靜返落黎。

唔派都派左去呢間學校。

除左接受，我仲可以點？

不過依然有種鬱鬱不得志既感覺。。。

唉。。。。