一個書生既Player故事: 二十

寫完張紀念冊，我偷左爸爸部單反，仲帶埋個腳架返學校。

通常D人都係用數碼相機，我就帶部牛龜咁大既單反返去。



「林敏兒，你睇下我帶左D咩返黎？」

「哦，你帶左部相機返來，咁鬼大部既。我都有帶，不過細部好多，嘻嘻。」林敏兒無乜驚訝咁講。



「唔識貨啦你！呢D叫單反，專業級，影出黎既相靚過數碼相機好多！」

你呢個愚蠢既女人！你都唔明背後既意義！

最重要係部相機啊，我特登帶黎就係為左同你影一張合照。

我想留低張合照，紀念你呢個人，紀念屬於我地既回憶。





我係黑版畫左個大心心，叫林敏兒企起中間。

我Set好腳架，禁制就跑過去黑板度。

「十、九、八、七、六、五、四、三、二、一、零。。。。」

就係零果下，我極速用手臂cool住林敏兒條頸。

「呀！！！」林敏兒冷不防被我嚇親。





就係咁，張相係我好close咁攬住佢，而佢好驚訝咁呀大個口。

單從呢張相黎，就知我地好自然好close，影得唔錯。

今日既目標已達成。可以收工了。

影完呢張相，一切已經足夠了，佢代表住我地呢一年既回憶。



「影完未呀！自私鬼！到我啦！」王家欣跑過黎話要影埋一份。

「做咩姐你，你都有機啦。我帶黎同林敏兒影，有話同你影咩。」哼，個個都黎打我部機既主意。



「唔好咁小氣啦！一齊影啦！」何諾軒都走埋黎。

「唉好煩呀你地。影啦頂。我去B班叫埋呀傑過黎先。你地影住先。」我講完就準備行去B班。



電話一震，時間剛剛好。

【你有 1 個新訊息。】

丁丁：【過黎影相？】
我：【正好行緊過黎=p】

我有少少怕醜咁，因為都係第一次搵佢，都算係半個陌生人。。。



當然愛裝既我係扮晒野唔會表現出黎。

我一踏入班房門口，就見到丁丁企係肥傑格離，好熱情咁向我揮手。

丁丁笑容好開朗，令人覺得一見到佢就好fresh好有活力。點解我從來無發現身邊有個咁靚既女仔呢？

清純既丁丁企係肥傑格離，就好似一碟好chill好fresh既沙律撻左pet牛腩（仲要係多肥膏果隻）上去咁，感覺極唔match，除左大家都係食物之外，應該扯唔上任何關係。咁樣形容我既老死好似有D mean，不過肥傑求下你真係快D減下肥啦。

「影相呀書生～」丁丁拎住部相機走埋黎就諗住同我自拍。當時好似係MK妹先至會自拍，仲要係未有前鏡既年代。

丁丁熟練咁舉起部相機自拍，左手仲舉起個V字放係塊面格離。我企起佢格離，微微烏低頭，有少許尷尬咁影左張合照。

丁丁驗貨咁睇返張圖，有D不滿：「你睇下，隔咁遠都影唔晒！痴埋D啦！」



死港女，咁麻煩嫁，影完又影。我臉上保持住有耐性、親切既態度：「嗯好呀，影到靚為止。」

丁丁愈貼愈埋，我感覺到我同佢肩貼肩，近乎臉貼臉既程度去自拍，我都感受到佢呼吸出黎既暖空氣。。。

我心諗，原來同女仔自拍都幾好福利。。。

肥傑係側面有少許葡萄既眼光望住我地，問我地：「乜你兩個幾時變到咁熟嫁？」

我好無奈咁答佢：「無嫁，其實唔係幾熟，我先第二次見佢。」

「咁見多幾次咪熟囉。。」丁丁有D唔開心。

肥傑同丁丁講：「咁你就要多謝我俾佢電話你啦。」原來係你個死仔俾左我電話人既。