SandBoss: 第二章－GM現身

「有兩個不像新手的傢伙混進來了呢......」身邊某角色頭頂上突然出現既對話框。 

從呢個對話框睇，我覺得呢個人似係NPC，或者係黎自其他地區既玩家，因為我地講野都無彈到對話框出黎，定一或咁岩我地都係用隊伍頻道？ 

正係我思考之際，有一個白衣人飛埋黎督左個NPC幾下，之後果條友就走左，而呢個白衣人頭頂竟然寫住「GM何家明」幾隻字！唔通呢條友真係GM黎？(遊戲管理員) 

GM何家明：「阻到你地唔好意思，如你地三位所見，我係呢個遊戲既其中一個管理員，我個遊戲名稱寫住既係我真名，岩岩果個係NPC係新手保護員黎，因為有漏洞所以係起始之村會自動搵啲高過70LV以上既玩家進行攻擊......」
我：「明既明既，每個遊戲總會有啲漏洞，我只係想知依家咩事，點解我地打打機都會變左玩VR咁？我地點先可以登出呀GM大佬？」
GM何家明：「你冷靜啲先～叫我阿明就得架啦，我只係其中一位遊戲管理員，而且無咩權力可言，不過依家既情況我都可以盡量解釋你聽既......」
風：「咁即係點？係咪即係我地要打機打到死先解脫？」




我：「你都係聽阿明慢慢講佢知道既野啦，唔係我地估估下只會更遲先解決到問題。」
GM何家明：「其實我地呢個遊戲係比VR系統更走前一步既野黎，因為係將我地既腦電波同深層伺服器連接，所以我地受傷都會好似真既一樣，至於我地現實中既肉體，應該都會暫時消失而黎左呢到。畢竟，我只係一位遊戲管理員，而唔係開發者之一，我知道既野大約係得咁多，今次我現身都係因為有任務。」
我：「你係GM都要做任務？唔係就係同果個咩新手保護員吹水掛？」
GM何家明：「無錯，因為呢個新手保護機制已經害死左幾位無辜既玩家，本身呢個系統係想防止岩岩50LV既玩家脫離安全期被70LV以上既玩家攻擊，但係依家玩家之間都限制左互相攻擊，所以呢個功能百害無一利，我都係照另一位管理員既指示去熜晒佢，以免更多傷亡情況出現。」
風：「哇！咁我地真係執返身彩，如果GM黎遲一步我地應該比個NPC了結左我地都似，一陣買返個六合彩先。」
我：「唔好話買六合彩啦，我地之後要點做都未諗好呀！係啦，阿明，我知呢個要求可能有啲麻煩，不過我都想問下，我可唔可以加你好友方便我隨時搵你？」
GM何家明：「無問題，咁我繼續執行任務先，你地三位都盡量小心啦。」 
就係咁，阿明就飛走左，但講開又講，其實一個地方有GM出現正常都會有玩家圍觀，唔知係我地呢個位隱閉定點樣，居然得我地三個......

芸：「我地之後不如去下一個補給城市納夫特果到睇下有無其他玩家？」小芸突如其來既提議都令我暫時停止無盡既思考。 




我：「都好，果到以前有咁多人掛機擺地攤，應該點都有活人既，趁個天未黑就快啲出發啦。 就係咁，我地三個又好似新手咁係條新手村慢慢去下一個城......


待續。