SandBoss: 第一章－重生

有返意識之後，我發現自己訓左係棵樹下面，周圍既景色都係大草園，我岩岩唔係係房到咩？唔通我已經死左上天堂？定一或係夢？

「咦？你醒返啦？」我聽到一把女聲，望一望真係有女仔同我講緊野，個樣都幾OK，真係好。

我：「嗯，請問呢到係邊到？同埋你係邊個？」
芸：「我叫小芸，呢到係黃金農莊，不過你咁高lv應該唔似要係到打怪，我岩岩見你趴左係路中心，所以帶左你過黎先，廢事你比稻草人攻擊。」
我：「咦，我同你個名都有個同音字喎，咪住先，黃金農莊咪《SandBoss》入面既中段冒險區域！即係我入左遊戲入面？唔可能啦，肯定發緊夢！」我馬上係咁對自己使出連環巴掌，不過都係無效果......
芸：「喂呀你唔好係咁打自己塊面啦！其實人地都係見你個名都有個同音字先救你......希望可以做個朋友，其實依家既情況我都只可以將我知既野盡量講出黎。」
又會咁主動既？不過依家我都未搞清楚發生咩事，都係互相交換下情報保險啲，雖然我都係咩都唔知。
我：「丫，你又知我個名都你有同音字既？點睇架～係咪"查看玩家資訊"呢？等我督一督你試下先！」




芸：「其實......你督空氣都可以睇到選單架......」小芸突然紅都面晒。
我：「哈哈～唔好意思，咁其實依家到底係咩事，不過講開又講，方唔方便借一借塊鏡比我？」畢竟我都係緊張自己個樣。
芸：「我其實都係玩玩下突然眼前一黑，一醒返就黎到遊戲世界入面啦，我岩岩行左十分鐘都唔知點做好，之後就見到你啦！至於鏡既話我道具欄果到都無，sorry呀～」
我：「唔緊要，都係隨口問下，我臨昏迷之前呢個角色就騎緊坐騎既，睇怕我都係坐騎上面趺左落黎。」
芸：「咁...咁我地依家點做好？」
我：「我都唔知，丫！我本身約左朋友係起始之村到等，你介唔介意同我一齊返去先？」
芸：「唔介意......我暫時唔見其他玩家，所以都係想跟住你行，不過你咁高lv唔怕帶住我低lv麻煩咩？」
我：「邊有咁計架～我組你先啦，係喎！我仲有其他坐騎架啵，上黎我架電單車到啦，應該好快返到去！」

於是我就好有型咁車住小芸好快咁返到起始之村，其實我係記得有傳送NPC呢樣野，不過我都係懶得搵，仲有原來第一人稱咁用坐騎係咁爽！





到左起始之村之後，終於見到有人影，不過唔確定係NPC定係玩家，我只係想搵個安全位置再熟習下啲遊戲功能同埋整理下依家既情況......
其實都幾諷刺，明明我都成92lv，依家居然好似新手咁慢慢睇下啲系統到底係點，但注重外表既我當然換一換返套時裝先啦，唔通真係著住副甲懶型咩～

就係我試緊衫搞緊設定既時候，有個人行左過黎，佢著住對牛仔靴，行路真係幾引人注意......
-------------------------------------------------------------------------------------------------------
原來係龍于風條衰仔，佢係神槍手黎，不過佢好少買點玩，有時裝都係我送比佢，但都應該過左期。

風：「阿海？係咪你呀？你都係入左黎隻Game到？」
我：「講左幾多次唔好叫我阿海架啦，叫我阿魂呀嘛，我其實唔係好滿意我真名最後果個字囉！不過你咁叫我都肯定係你啦～衰仔龍魚鳳。」




風：「哈哈......我都無響你全朵你就咁樣響我朵架，但你都幾勁，咁快就有女仔同你組住隊咁黎。」
芸：「聶風大哥你好！我叫小芸......係一位魔導士。」
風：「就咁叫我阿風得架啦，星星小芸芸星星！」(註：小芸遊戲名稱為★小芸芸★)
我：「唔好咁玩人啦～好啦，既然同你會合返，不如搞清楚依家到底發生緊咩事啦。我地應該係玩緊隻Game果陣比啲神秘野干擾我地既腦電波所以就入左黎......」
風：「嘩，咁快有咁pro既分析啦？咁下一步應該又點呢？」
我：「我都係估估下架咋，至於下一步我都未咁快諗到，我比較擔心現實世界既我地到底係處於咩野狀態，到底係昏迷左定消失左，因為岩岩我換時裝果陣見到我地既外表係同遊戲角色形象融合左。」
風：「咁唯有見步行步先啦，不過我好奇啲人妖到底會係點既樣呢？」
芸：「其實...我呢個原本係男性角色黎架，因為原本係我哥哥架...但佢最近失蹤左，而我本身都無遊戲帳號，所以先拎佢個帳號黎登入，結果登入之後佢系統就話非本人操作，比我整一個女性形象同改備用名......」
我：「竟然！！！呢個遊戲睇黎真係有古怪，不過咁古怪既野真係好吸引我去搵出真相，睇黎遊戲中既遊戲都幾好玩。」
風：「哈！你又扮柯南呀？不過呀大偵探睇黎我地要邊行邊諗下一步啦......因為好似有班人行緊過黎！」
？？？：「有兩個不像新手的傢伙混進來了呢......」

待續。