電腦無啦啦多左d唔知咩既檔案係度(上): 第四十二節

「但點解你唔一早同呀樂咁樣講?而係msn果度唔再覆呀樂?」我察覺到bernando講既野有d怪
「因為lapallo交左個能力比呀樂之後，預言並無改變…所以按lapallo要求只好斷絕同佢既連繫」
「咁都得?唔解唔直接收番佢author既資格?」我追問
「一但係author登記冊登記左，就冇可能再移除，除非死亡…呢一個亦係規則，lapallo亦唔可能為左剷除佢而改變歷史，因為蝴蝶效應既關係」
聽到黎呢度，我好似有d明白成件事既來龍去脈
「係喎，你頭先話呀樂去左香港係咩事?」
「由佢黎到西藏果陣，我見佢精神有小小失常，我睇番歷史資料顯示，原來佢係轉移黎西藏之前，佢將佢既file 蓋過左原來呢個時間既佢，原本應該有兩個既呀樂依家得番一個，佢黎到之後不斷叫我送番佢去香港，所以我就直接轉移左佢去屋企，而你本來係暈低左，本來想等你醒左再同你講出一切，但點知你就落左山，同時因為為左盡量唔影響歷史，我係現實出現既時間係有限制…但如果係呢間屋出現咁就幾乎冇限制」
「原來係咁」我點左下頭
我係褲袋拎出手機，再睇下段光頭miki片
就好似世界係殘酷既天災底下將被毀滅咁樣




同一時間我又醒起一樣野
「點解miki同倉央大師個樣會換黎換去既?」
「我睇番miki同倉央既file，佢地早幾代之前既祖先應該係一樣，當你地del左file既時候，亦可能影響左佢地之間file既連繫，所以樣既dna就轉左」bernando好似好科學咁解釋呢樣野
「點解bernando你好似咁博學既?」我對佢既知識淵博既原因有d興趣
「人類所知既野，歷史會有紀錄，亦即係話你地識乜野，lapallo就會知到乜野，你地唔清楚既野，lapallo亦唔會清楚」bernando簡潔地答左我呢個問題
愉快既傾談時間快將近1小時
「你準備好未?」bernando用和藹既語氣問
「姐係我、肥康同suki都會番番去?呀樂呢?」我問
「呀樂佢亦會番番去，所有野會reset番你地del file之前既情況…」bernando回答道
「咦!等一等，lapallo好似發現有問題」




Bernando係佢背後又拎番部平板電腦出黎係咁捽
「當時間修復到suki用香薰迷暈你地果日既時候，只有呢一日，轉世靈童預言段片會消失」
「lapallo睇黎改變主意…要將你地送番去呢一日…」bernando眼中綻放異彩
「10…9…8…7…6…5…4…3…2…1…0」
Bernando 倒數既聲音越黎越細聲
周邊一陣耀眼既白光，刺眼得令人有點暈眩
定過神來，我發覺身處係肥康間工廠果度
「肥康!suki!」我一野沖埋去攬住佢地兩個
Suki同肥康好似呆左唔知咩事，suki 眼睛紅腫睇黎喊左好耐，肥康手上同臉上好多指甲爪，我諗應該係肥康阻止suki衝上黎搵我時，比suki既九陰白骨爪造成…
Suki用盡全身既氣力攬住我「街市仔!...街市仔…」係咁叫住我個名




肥康亦都眼濕濕
「街市仔…真係好…我都好擔心」
望一望周圍，光頭miki同呀力都係到
「呀力!miki!」我大聲嗌佢地個名，佢地顯然唔知咩事…
我好快咁將成件事，即係係山上遇到bernando既事講左比suki同肥康聽，佢地聽到呢件事都好意外，估唔到山中竟然隱藏住咁多野…
但肥康同時意識到d野
「弊!如果呀樂番左黎佢咪可以又改歷史?」肥康驚呼一聲
「咁依家點算?」
「好彩我地番番黎suki未del 我地file之前，亦即係話我地手上亦有籌碼，可以阻止佢改歷史!」
「咁即係…?」我不禁用手遮住個嘴
「咁即係要黎一場鍵盤大戰!不過好可以要靠哂你喇街市仔」肥康好型咁講呢句說話
肥康叫suki將我地遇到既野全部講比呀力聽，而佢亦好快咁打開個電腦個file黎睇，file冇被人del到，而且果幅500mb既圖仲係度
「冇估錯既話呢幅圖就係lapalloedit.exe 亦即係”歷史控制器”既鑰匙，肥康係電腦飛快咁輸入指令，令到呢個檔案變番一個exe檔，然後佢打開左資料庫
「author…呀樂，街市仔，呀雯，呀康」四個名就寫左係資料庫入面
同一時間我打開電話，果然，倉央果條片都唔見左，正如bernando所言




Suki好似好簡潔扼要咁講哂d重點比呀力知，呀力一瞬間就將所有野融匯貫通哂，成件事好似了解哂咁
「大隻康，將我個名加埋入去author果度先」好耐冇見既呀力
「miki個名洗唔洗加?」肥康好快咁問
「miki就唔洗，因為我地需要一個可以確認改變左咩歷史既人，因為佢既歷史常識會跟隨歷史變而變」呀力好決斷
「lapallo 數字上升左喇」肥康惶恐的道
「鎮定d，等我加入戰局，幫你check住呀樂改左咩檔案」呀力搵左個keyboard出黎，係第二個mon果度開d file出黎進行搜索
「時間只有十五分鐘，一定要係十五分鐘時間內解決佢」肥康沉聲道
另一邊廂，suki同miki就開住電腦係度查歷史網頁同埋歷史書，同樣睇下發生左d咩改變…
「照之前我接觸既呀樂黎睇，我應該係想世界變成完美既共產主義…」我提出呢個可能係重點既野
「嗯!我追查到喇，呀樂改左左一個時間，1928年，係提早左既…等我睇下係咩黎」呀力好快咁搵到修改左既野
「係日本，日本關東軍既控制」肥康好似搵到個file
「日本關東軍?1928年?我知喇，呀樂佢可能提早左關東軍侵略東北…」我既腦海歷史記憶浮面
「直接改番佢得唔得?」我立即問
「應該唔得，根據歷史控制器規則，一個人既控制只有一次，如果佢係改變將軍既意識黎早d發動半兵變，咁我地係唔可以再修改…」呀力回答
咁真係冇哂計!我記得當年仲係張作霖係皇姑屯坐火車果陣被炸死，點解呀樂要令日本要提早攻打中國?




壓力令我思考既速度越黎越快
二戰既時候，德國就係借日本黎牽引住中國，令德國可以同俄羅斯開戰，從而避免共產主義國家合作，如今提早日本既進攻時間，莫非佢係想盡早令日本同中國國力盡快消耗?然後令俄羅斯可以消滅日本…但咁做…
我將呢個問題拋左出黎
呀力立即回答
「咁樣有可能連香港都會受牽連嫁喎，唔通佢想用日本滅左香港，乘機消滅我地?透過歷史既改寫，直接將我地剷除…」
面對咁驚人既言論，我地都一時手足無措
「但呀樂咪一樣香港人，唔通佢會自殺?定係想同歸於盡?」肥康問道
Suki個樣好似諗起一d野
「呀樂既呀爺好似以前已經係外國留學同埋定居，所以有可能唔會影響到呀樂」
面對咁驚人既發言，我不禁啞然失聲
「既然佢提早左，咁我地唯有延遲佢….」我立即諗好對策
「我地係918事變果度阻止佢地，當年日本炸左南滿鐵路做藉口而佔領瀋陽，咁我可以將東北軍既營轉移，令到滿洲事變既日子延番後，咁樣應該可以將日軍侵略速度減番慢…」
聽完我咁講之後，肥康同呀力都同時做野，一個負責搵個日子，另一個就係度將我講既資料記低，準備修改…
肥康不愧係鍵盤戰士好快就修改好我頭先提出黎既野
只係岩岩打完我既野肥康又話




「今次lapallo 既數字又再想升，升左足足4」
「唔撚係掛，有冇咁快呀」我拍一拍塊面，平伏一下心情
「1937月7月，日本改兵分三路，朝鮮軍同關東軍分拆，攻幾個唔同既城市，再加上大量日軍增援，華北增援由3個師增到5個師」
「1937月8月，呀樂佢應該修改左蔣介石冇用嫡系精兵守上海，直接橫掃南京…」
…呀力好快咁起哂呀樂改變既野出黎
「街市仔你認為應該點好…」
「竟然玩快攻…等我諗一諗…」我思索應該點樣可以對抗咁樣既改變
同一時間，我醒起中國歷史科果陣老師解釋
其實中國果陣時係夠日本打，因為蔣介石有個策略就係佢遷都去左四川重慶，果度有崎嶇既地形，陡峭既峽谷同埋湍急既長江，所以令到果度難以攻破，而呢度就成為左抗戰基地，令到日軍冇可能速戰速決….