電腦無啦啦多左d唔知咩既檔案係度(上): 第四十一節

「你隻手好痛呀?」bernando溫馨的問
「都幾痛下，頭先同豹搏鬥過，當真死裏逃生」
lapallo係袋拎左部好細既平板電腦出黎，係上面篤左幾篤…
漸漸地，我隻手就康復番，痛都唔痛，骹位都變番正常
「好勁喎，點解咁既」
「我只係將你撞甩骹既歷史改做輕微擦傷」bernando將佢部野收番埋
咁樣慳番筆醫藥費都好，唔洗睇跌打，唔知西藏d跌打有冇料
「話時話，其實呢間野係咩黎，係咪文成公主起，咁部電腦莫非都係佢既?唐朝唔通已經有電腦?!」我都覺得自己係度胡言亂語
「哈哈，文成公主的確係做過author，呢度亦都係佢偷偷建立，用黎存放書卷，不過呢度同樣係呀樂上一任author住既地方，佢就葬左係呢座寺後面之嘛，部電腦亦都係佢留落黎」
「咁果幅佛像畫都係佢整?」




「其實呢個都係前任author既小惡作劇，佢改影子係想人憑呢幅圖搵到佢，其實佢整左好多幅，但咁耐以黎都冇人搵到黎呢度…」
「不過呢部咁既電腦都可以裝到成幾萬TB既野，唔係掛?」我有d驚奇
「呢個author好聰明，佢除左將歷史用書既形式紀錄之外，更加會將d檔案透過網絡分佈儲存係唔同地方既伺服器裏面…」
「咁都得?!佢唔驚人del file既咩?」
「據我所知，呢個author可以將d檔案設定左係唯讀記憶體裏面，普通人應該唔會刪除到」
原來做得author既都一d高手黎既…相比起佢，我真係小毛見大毛
正常我諗緊d無關痛癢野既時候
「你地係咪認為你地穿越左時空黎到年幾前既西藏?」bernando雙手擺後，企左起身係度來回踱步
「我地唔係真係番左去過去咩?」我有d不明不白
「唔可以話你岩，又唔可以話你錯」




「咁即係點?」
「自你刪除左堆檔案，的確係會失去未來既資料，但現實裏面時間係冇可以返轉頭，你所做既野係一個矛盾，現代物理學所講既相對論裏面，時間可以變慢，變快，但冇提及過可以回到過去，好多人誤以為快過光速就可以回到未來，其實呢樣野係錯，係相對論裏面有一個前提，就係冇野能夠超越光速，光速係所有速度裏面最快…雖然係廣義既相對論裏面，可以利用蟲洞黎做到回到過去既效果，但係呢一樣野係不切實際，當中太多假設性既野同未知數」bernando滔滔不絕咁講物理學既知識，咩重力可以屈曲時間…我委實唔多聽得明
「但我依家明明就身處係過去，而且前日我仲見到自己添」我提出質疑
「咁呢個係lapallo所做既暫時修補工作，由於你地係author，所以你地既file唔可以就咁隨便修改，只有author或者更高權限既lapallo先有權控制到你地，所以lapallo選擇將你地遷移到黎最近冇受影響既時間，而另一方便lapallo佢亦係度收復緊被刪除既資料，因為呢一種係現實上既矛盾，簡單d黎講，author係唔允許做呢一樣既野…」bernando 講到黎呢度就停低腳步
「姐係我地送黎西藏只係lapallo既暫時安排?」我張開口都合唔埋咁濟
「當日你送黎呢度係因為你係lapallo修改器既隔離，而呢度咁岩係另一個，雖然author既名字已經刪除左」
「即係黎緊會送我地幾個番去未來?」我急切的問
「冇錯，仲有大概一個鐘，你地就會送番去未來」
我呼左啖氣，睇黎終於可以番屋企
個人放鬆左，腦亦都清醒好多，我亦諗起一個問題




「點解你要將lapallo交比呀樂，唔會佢有皇帝命掛」呢一個問題其實我都諗左好耐
「你應該有睇過果段片」bernando冇直接回答我呢個問題
「片?你話光頭miki果段?」講起短片我只能諗起呢段
「嗯，lapallo一直都係歷史既監察者，佢掌握一切既歷史，但唔代表佢就係神，佢唔能夠預測未來，佢只能透過將呢個能力交比適合既人，從而改變人類歷史，以達到符合歷史意志既改變，但呢個世界上面，有轉世靈童呢樣野，佢既能力係可以能夠預測未來， lapallo可以由轉世靈童得悉未來既變化，而lapallo亦會保護呢個咁重要既人，但正如你所睇到段片咁樣，世界好快會毀滅，因為段片顯示左倉央會係呢個時代見證所有覆亡，lapallo希望改變呢個歷史既完結，所以將能力交比呀樂，不過lapallo係唔會知道邊個可以改變到未來，可能呢個係lapallo既一個大失誤…」