電腦無啦啦多左d唔知咩既檔案係度(上): 第二十七節

我側身閃左過去，見到就果個戴眼鏡既呀樂係度改寫緊txt檔…
「唉，果然係唔夠時間…」呀樂面無表情咁講
仆街呀樂!你害得我地好慘
我乜都未講就揪起呀樂t恤既衣領，呀樂同我既身形差唔多，單論氣力佢唔會勁過我
扯起個人之後我一拳就中落佢個肚度
「呢一拳係我代呀力打你既」
呀樂隨即向後仰，撞左落堆電腦主機果度
未等呀樂起身，我一野穿心腿對住呀落心口又踩多野
「呢一腳代suki踩既」
呀樂連續咳左好幾聲，透過螢光幕僅有既光，我睇到呀樂眼球滿佈血絲




呢一刻呀樂好似變左野獸，一路咳一路就對住我衝埋黎
唔係講笑，呀樂佢一野就飛撲過黎
我隻腳一企唔穩就跌低左，呀樂襯機會就騎左上黎，踩住我兩隻手，對住我個頭係咁中
屌好撚痛，差d比佢打暈之際，我用頭坎落去呀樂個頭果度，佢好似有d腦震盪就彈開左，訓左係地上面
呢個時候我反射動作地彈起身，又衝埋佢度禁住佢兩隻手，同埋坐左係佢肚上面。
「你點知我地會黎嫁」我出力捏住佢隻手
「我一早係suki電話果度裝左偷聽器…係佢唔發覺姐」呀樂擰笑起黎
「你條仆街，你到底有咩陰謀，你改變歷史想做d咩…」我大聲喝罵
「哈哈哈哈哈…街市仔你根本乜都唔知，人係醜惡嫁…呀雯同你一樣都係醜惡嫁…哈哈哈…賤女人」呀樂傻左咁款
啪的一聲，我用左九成力，一巴就打落去佢塊面度




「我問你改變歷史想做d咩呀」
「改變咩…?哈哈…我要所有人活係極權底下，咩帝國主義，走資派，全部都係仆街，咩民主自由，全部都係戇鳩，人只係識剝削，人係醜劣嫁…哈哈哈
…」呀樂噴到我一面口水都係
「你嗡乜春呀」我再醒多佢一巴
「只有世界一統既共產主義，只有馬克思列寧主義，先可以創造我地既烏托邦，眾生就皆可平等…」呀樂係度自說自話
「你老味，共產主義救撚到國?你睇下依家既中國丫」呀樂依然想從我手中爭脫出黎
「依家既中國根本唔係共產主義…」
呢個時候，呀樂係我唔覺意既情況踢跌附近一部主機，而且咁岩撞到我背脊
「啊!~~」我慘叫左一聲，比呀樂起番身…
佢一野就推跌我，「嘭」既一聲，令我個腦袋直接撞落牆上面




「仆街~~!!」我意識開始有d模糊
但我意志驅使我企番係身
我拎起身邊一部電腦，扯甩哂d線，對住呀樂丟過去
「街市仔!!!!!!你係度做咩」佢又想衝埋黎
我側身避過，伸隻腳出黎跣低佢，一迎面就仆左落地
只係見到佢牙都甩左隻出黎，口中滿佈血水，懷疑有隻牙插入左上顎果度。
我地兩個都打紅左眼，佢拎起佢張電腦椅迎面就車埋黎
我用雙手一擋，只覺得劇痛無比，係咁細既環境裏面打交，真係好易出事…
佢再撞埋黎既時候，我比佢撞到去電腦面前
「信唔信我del撚哂d file同你同歸於盡丫拿」呀樂又拎起d唔知咩黎打我
我一野highlight左一堆file禁左shift、delete…
我只係覺得意識越黎越模糊….禁左enter之後我就暈低左…
當我起番身既時候，見到既景象…