電腦無啦啦多左d唔知咩既檔案係度(上): 第二十六節

「大件事喇，miki個樣變番正常」耳機裏面既肥康緊接住講
驚愕間我係度諗，miki個樣變番正常?原本唔正常既咩…
係喎，原來既miki唔係光頭女人樣
「到底發生咩事呀?呀力消失左，miki又突然變番原來既樣，到底發生咩事?」
「咁樣只有一個可能」肥康凝重地講
「係咩可能?」
「呀樂佢知道左del”0406”呢個file就可以消滅到呀力…」
「點解呀力佢會知?唔通佢係”歷史控制器”睇到哂一切?我地做既任何野佢都睇到哂?」
「如果佢可以用”歷史控制器”知到哂所有野，佢一早改哂我地所有data，好明顯佢一定唔知我地做左d乜…唔知你仲記唔記得要一個月先可以load到今日既歷史…而由hdd容量變大開始到今日，一個月都係未夠」
「咁點解…呀力會消失」




「好簡單，一定有內鬼…」肥康冇講出聲指名係邊一個
但呢一刻我已經知道…
我望住suki
「係咪你話比呀樂知道”0406”file單野」我對住suki怒斥
Suki又一副想喊既樣
「之前的而且確係呀樂叫我做，因為佢留意到lapallo個數字無端端增加左，佢透過地址搵到係呀康屋企…但我真係唔知佢今日會令呀力消失，你要相信我…我都唔知點解呀樂會知道我地會係度」suki已經哭不成聲


雖然我仲有好多野要問suki，但依家最緊要對付呀樂
因為呀樂已經出手搞掂左呀力，下一個可能就係對付我，雖然我知道”歷史控制器”對一個人思想既控制只有一次，如果之前係佢對我進行洗腦，咁佢應該冇辦法再一次洗我記憶。佢好可能會透過改變更大既歷史...或者加快佢既”大計劃”進情都唔定…




…毀滅香港…腦中浮現出一個好唔實際既諗法
唔會掛，唔會既….呀樂到底想做咩…
「suki，我知道你好想保護我，但你要知道呢個呀樂已經傻左，就算佢承諾過d咩都唔可以再信，你留係度等我…睇黎我要親自上去赴會…」
「我都要跟埋你一齊去」suki攬住我既手臂
「唔得，太危險喇，我反而想你去學校既department搵肥康，依家得番佢可以整理到成件事，而且佢一定會諗到辦法救番呀力…suki靠哂你喇」我語重深長咁同suki講
Suki望左我幾秒之後
「街市仔，你應承我，唔好亂黎…」
「我應承你」
望住suki既離開之後，我即刻就衝上40樓既14號單位
我有種感覺係覺得同時間競緊賽…




當我見到14號單位鐵閘同木門並無打開
唔通呀力係開完鐵閘就憑空消失左?...之後一切又回復完狀?
我係長褸果度拎出萬能匙!
仆街點撚用嫁?!...早知跟呀力學啦屌
我模彷呀力之前開門既方法做，一chok就開到….
噢!感謝呀力在天之靈既保佑
丫唔係，呀力未死嫁喎，佢係依家應該係根本唔存在既人…唉是但啦
一撞入去，只覺四周漆黑…
只係見到好多部電腦主機放左係度…佢地全部都開緊
由於成間屋都放滿電腦野，所以只係留左一條o岩o岩好過到一個人既路可以行
呢度冇家私冇電腦，正常屋企有既野佢都冇
突然我係隔離”房”聽到一陣打字聲…
一定係呀樂…