電腦無啦啦多左d唔知咩既檔案係度(上): 第十節

歷史控制器"既規則好特別
比較值得在意既有呢幾條，呀力將佢抄左出黎
「1. 操作意識的機會只有一次，而歷史調節引發的意識改變不在此限制內。
2. 承上，在個人意志和操作上如有矛盾，程序將不被執行，或由歷史自我調節。
3. 改變後的歷史不可能出現完全相同的結果
4. 歷史之源lapallo授權的限制---不同的鑰匙將開啟不同的大門」


當中仲有講每個file相應一個txt檔，只要對應番適當既file，就可以進行解密，並加以修改，歷史檔案file會因應不同既因素同情況展示出黎係我地眼前。值得思索既係果四條令捨特別既規則…
我頭髮都就黎r甩哂咁濟




「第一條所講既操作意識又係咩呢?如果改兩次又會發生咩事?但規則裏面並無闡述相關既內容。」
「會唔會係講緊直縱操縱一個人既意識，定還是能夠操縱意識既機會只有一次?但第二條規則睇落又好似有d奇怪，咩個人意志和操上有矛盾，程序將不被執行?」
呀力眼珠滴溜溜一轉
「姐係個人意識上，唔可以改變佢個人原則，如果要操縱佢，只可以改到佢合乎邏輯地做佢想做既野，所以咁先會合理」
我諗左諗，都覺得呢個解釋十分合理
「如果改兩次我真係唔知會發咩事，可能咩事都冇，可能歷史控制器會消失，可能地球會自我毀滅，可能時間停頓埋都唔定」呀力打了個哈哈
我當堂嚇疾左「咪講到咁撚恐怖啦，不過如果時間真係停頓到，d高登仔就真係爽死，呢d真係正宗av題材」
呀力顯然冇聽到我既鳩嗡，佢用拳頭承托住佢既腦袋
「咁歷史不可能出現相同既結果又點解?呢個世界咩都有可能，即使係幾微都好，歷史都應該有方法引渡到有相同結果掛，例如a搶左b一粒糖，如果b係a手上搶番黎，咁佢就會擁有番粒糖，同樣地如果我改變歷史，b唔搶番，而c幫佢搶番，b係地下又執到番一粒糖，咁b都會擁有番果粒糖嫁喎」我嘗試詢問
「我諗佢講緊結果唔係廣義既結果，而應該狹義地去睇，用番你個例子，冇錯，b係擁有番粒糖，呢個結果係冇變，但過程中，a會得到一粒糖，咁成個歷史已經唔同左啦，如果係c幫佢搶番，a同c又可能會由無怨變結怨，結果唔係單一，應該係網絡式去睇呢件事…」




呀力好快又引用番我地遇過既事
「你仲記唔記之前你講過你地有次唔小心del左0406個file，肥康講過所有file既size唔同哂，而且再generate多4個file出黎呢件事?」
「嗯，我地試過將原本既0406 file放番入去，都去唔番原來既世界…」
「我諗就係呢個意思，當你一個file不斷改變，所有file都會不斷改變，整個歷史網絡就好似一棵大樹，當你動搖佢既根部，佢就會牽連到整棵樹，縱使你確保到一塊樹葉既靜止，但你忽略其他樹葉既變動…」
呀力捽一捽佢個鼻
「不過最令我感到迷惑既係第四項，”歷史之源lapallo授權的限制---不同的鑰匙將開啟不同的大門”，歷史之源lapallo，佢係一個計劃?一個組織?定係歷史控制器既名?真係好耐人尋味，佢講到既不同鑰匙開啟不同大門，係咪代表有唔同既鑰匙持有者，可以操控唔同既歷史?咁鑰匙又係一樣咩黎?實質存在既鎖匙?實在實在太多可能，太多太多既問號，係我腦海中已經閃過百幾二百種都極有可能既解釋」


本來以為越黎越接近真相，但每次都會發掘更多既未知，忽然諗起學海無涯，回頭是岸呢個至理哲言，諗到果條友應該係最有智慧既人。






跟住落黎解析到既txt檔都係一d日子，呀力認為係一日裏面，txt負責紀錄一d”大事”，而呢d既”大事”對其file既影響力會特別大，所以先會抽出黎重點紀錄，而file 果度分哂所有時間，應該包含哂所有人既歷史或者係某一個區域人既歷史


「街市仔，大隻康同埋miki，你地都應該攰嫁喇，解密既時間仲有一段時間，你地不如翻屋企抖一抖先，呢度有我睇住得嫁喇」呀力用把好親切關心既口吻同我地講。
Miki好快就拒絕左呢番好意
「原來文件用左好幾種文字加密，甚至係反覆交替調轉使用，睇黎要我慢慢繼續去砌，我諗我唔走得住」
呀力望一望miki「咁好啦miki，解密方面就靠哂你，大隻康同街市仔休息下先啦，有精神做野先有效率，依家都只係等姐，呢個量我諗點都要一兩日先完成得哂」


我擰個頭睇下肥康既意思，肥康好似有d野，感覺有幾分憔悴
「肥康挨夜都應該有好幾晚，咁我陪肥康番去先，你地都要爭取時間休息，呀力你係我地呢team人既leader黎，你絕對唔可以林低嫁」
呀力又露出佢殺食既陽光笑容
「係既，路上小心，一有野就會通知你喇」
同miki，呀力揮手道過別之後，我地就離開左學校。