電腦無啦啦多左d唔知咩既檔案係度(上): 第五節

然後呢一晚本應訓得好林既我，半夜比死肥康炒醒左...
「街市仔，快d過黎，我破解到一個file」
個file都未講完，肥康又cut鬼我線
唔通d天才個個都係咁冇禮貌既咩
凌晨兩點鐘，今次真係要坐紅van喇


當見到肥康果陣時，肥康竟然一路手舞足蹈，一路唱江南style
天才既腦袋，凡人係唔會理解得到...
「喂，係咪破解到一個file?」我急切地問




「係呀，雖然我寫左個破密碼既自動計算program，但好幾日都未見成功，
我咪試下copy txt檔案d名試下撞下密碼，又比我撞到。」
「頂你，咁鬼好彩都有既」我有種狂喜既感覺「咁其他file係咪都破解到?」
「咁又唔係喎，我頭先又寫左個自動將txt檔名當密碼咁試既program，但其他file又解唔到喎唔知點解」
「唔好講咁多野住，開黎見我先」我催促肥康快d開個file


file入面又有上千上萬個file
肥康是但click入左去0406既file入面
裏面有一個txt檔 成351654byte咁多字元




打開個檔案果陣我見到既唔係亂碼而係一d英文字 但全部好冇規則
例如第一句就係「aie kkink nmjqd.........」唔知係密碼定係咩
「原本唔係英文黎，但我禁自動偵察編碼之後佢就變左英文字喇」肥康又笑起上黎
「不如試下delete呢個file睇下會點?」我忽發奇想
「當個檔案破解左之後，好似可以修改內容喎，值得一試」肥康豎起姆指
「shift，delete」細細個我就識呢招必殺技嫁喇，嘻嘻，今次仲唔收你皮?


del完之後，毫無反應.........
世界都冇因此而停頓...






「個file果然係鳩既，頂，等我仲哂咁多時間，閃下畫面都好丫，屌你老母丫」我大力拍落去個主機度
「喂，做咩打我部電腦」肥康怒目而視
「oh sorry，我走先喇，有特別野再聯絡我」我帶住無比倦意同埋灰心就離開左肥康間廠。


當我以為一切都完結既時候，我既生活竟然出現翻天覆地既變化...