一個普通女仔既大學故事: 三

第二朝起身已經係晏晝兩點，我足足昏迷左10個鐘。雖然無斷到片，但我個頭都痛到好似爆炸咁。

望下部電話先。

Amy:【Step，我完Sem啦！今晚一唔一齊食飯呀？】
媽:【囡，今晚回家吃飯嗎？】緊係Say No啦。我個樣實殘到嘔，唔可以俾佢知我去飲酒。

咦，見到有人Facebook Inbox左我。原來係Felix。我地真係好唔熟，我連佢Facebook都無加到。

Felix:【你見點呀？起身未？】嘩，條友11點就起左身？


Step:【岩岩醒。個頭好痛。】
Felix:【飲杯水啦，頭太痛既話食D解酒丸 】
Step:【邊度黎解酒丸= =】
Felix:【我房有呀。你要就落黎拎啦。】真係有解酒丸架？其實劈到收皮又要食藥止痛係咩心態？
Step:【好呀。】

唔知點解有D想見佢。咦？琴晚佢唔係送左我返房架咩。。。

我努力回想返昏迷前既情景，依稀醒起有人輕輕幫我Com左被就走左，應該係Felix啦。



其實如果佢有心食左，琴晚就食左啦，我仲咁樣諗佢。

突然間，對佢有左D好感。都唔係個個男人咁衰架姐。



我落到去Felix間房，驚見Mandy同Parsons同一張床訓，MK Carmen就同書生一齊訓，有著衫既。

好淫亂好淫亂好淫亂好淫亂好淫亂好淫亂好淫亂好淫亂好淫亂好淫亂好淫亂好淫亂好........



就係唔見左Felix，我受到點驚嚇，唔知點好。

通往Toilet度門慢慢咁打開左，有人輕輕揮手示意叫我過去。

Felix：「o殊…細聲D唔好嘈醒佢地呀…」

「你係果邊過黎既？」我問。

「我送完你返房，返到去佢地霸住左我張床。咪訓住Parsons果邊先。」

「嘩，你地成日都玩Changing Partner一齊訓架？」我不禁嘖嘖稱奇。

「有時醉左咪廢時返房囉。」Felix無乜野咁講。

「好淫亂呀你地。。。」我真心覺得，咁容易就可以一齊訓架咩？



「一齊訓姐，又唔係做D咩。拿，依個係解酒丸，食一粒都夠做。如果四個鐘之後仲頭痛先要再食。」佢遞左樽野俾我。

「好啦，唔該晒你。我返房先啦。」

返房食完好快就舒服左好多，我落去搵Amy果陣順便擺低樽野係佢房還俾佢，當時間房已經無人，D人門都唔鎖由得人自出自入咁危險既。

Step:【我擺底左樽解酒丸係你房啦。】我inbox Felix。
Felix:【whatsapp傾啦。6xxx xxxx。】



Step:【Hi. I am Step】
Felix:【估唔到你都幾飲得喎】
Step:【其實我第一次劈酒….】


Felix:【下？會唔會係咁～咁你要跟我地飲多D啦！我地好多野玩架～】

就係咁我同Felix由樓上樓下打招呼變成會text既關係。