一個普通女仔既大學故事: 二
好快我就del晒同Ken有關既所有相，po左幾張黑白相公告大家我單身啦。
「分手真係好可惜呀，你地好襯好Sweet。」三姑六婆既同學話。
「哈哈。」關你撚事呀。
除左Amy，我都無同人講過分手既原因。我覺得好醜，唔想人地可憐我。
其實自問我條件都唔差，160瘦底有少少腿。又有對令人自豪既D Cup，個樣斯文又乖女，有人話過我似IU架。
Sem頭分手，我摺埋自己，專注學業去逃避分手既傷痛。我相信今個sem一定爆4全部A Range。
我開始上多左高登，睇下sp post，睇下av進修做淫女，了解下時下既性文化。
原來真係有好多人有Sp，只不過我身邊圈子太乖，我無接觸過唔知姐。
而家見到D同學，會諗『唔知佢有幾多個Sp呢？』
做player，講就兇狠，做就把撚啦。我咁摺毒邊度會食到仔架。
Player既情節只會存在係我既幻想入面。
話咁快就到Sem尾。
考完試但d frd未考完唔得閒陪我，on99無野做，唯有自己返Hall毒返晚啦。
行緊去Canteen既時候撞到Felix。佢係住正我樓下既Hallmate。Felix身高大約180，做開gym有d肌肉，陽光型男孩，皮膚黑黑實實，呢個身型著住頹tee踢拖都幾好睇，我對呢個頹look有種獨特既情意結，心入面已射 thx。
「喂～Stephanie～去邊呀你？」Felix笑笑口咁問我。
「岩岩考完試，諗住去食飯囉。你呢？」
「我都係喎。一齊食吖？」
「好喎！正好差個飯腳。」好野～今晚唔洗毒撚食飯。
我地去左間日本野度食壽司閒聊，其實我同Felix住唔同層，平時聯層活動、common見到會打招呼，無pm開，同佢單獨食飯傾計都係第一次。住Hall最開心係係街撞到識既人好容易就可以一齊食飯。
「你呢排點呀？聽講你同男朋友分左手喎。」Felix問我。你又知我分手喎，唔知佢知我幾多野呢？
「你又知！都係咁啦。分左手幾自由呀，想做乜都得，同男仔食飯都唔洗報到～」我話。岩呀，拍緊拖單獨同男仔食飯有時都要避忌下，廢時俾人撞到又問長問短。
「食個飯都要報到，男人老狗，佢都幾嚴架喎。」Felix話。睇佢個樣咩都唔知。
「你同女仔食飯唔洗同女朋友報到架咩？」我好奇一問。
「唔洗架喎。拍拖大家講個信字架嘛。」Felix笑一笑。哈，當初就係太信呀Ken俾佢呃左我兩年。
食完飯又無野做，Felix叫我去佢房打牌9 fing。佢果層係全Hall出名玩最癲既層，平時半夜3-4點係度開大hifi播音樂、大叫，正宗擾民，住正佢樓下既我都feel到有幾夜夜笙歌，有得聽無得玩既我一直都好羨慕。分手可以攞正牌玩，埋到堆既話我既Hall life應該會好正，追趕下Hall life的尾巴。
佢間房入面有4個人。好瘦，ABC feel著住Hollister吊帶背心同碎花短褲，化晒妝、長曲髮既叫Mandy。MK灰色短頭髮，著黑色鬆身長背心既Carmen，背心側面好大個浪，可以望到晒佢入面既黑白間條Bra top。最靚仔帶粗框眼鏡果個白滑書生樣叫書生，個天好公平既，咁靚仔但生得唔高，瘦底170。另外一個男仔正常樣，175標準身形，好出名，係商院莊既P，講野好搞笑，又醒又玩得，叫Parsons。
我著白色恤衫加條淺粉紅既雪彷裙，標準乖女斯文look，好正常見得人呀。但當下我覺得有D自卑，被人比下去。屌，係Hall打個牌姐，D女洗唔洗著成咁，唔通佢地就係傳說中既公廁雞？我不禁幻想呢幾個人背後既淫亂事跡，唔知有無Changing partner 交換扑過晒呢？
我係咪去左第二個世界？
點解我果層D人咁毒咁摺，日日返走廊都靜到有回音咁！只係差一層既距離，點解D人可以咁大分別？Sem A住Hall既日子，日日摺係房同垃圾屎Ken係度傾電話；Sem B分手要療傷摺讀書，無去過玩。我同無住過Hall到底有咩分別？
單係一入房Scan足全場呢幾秒，我個心已經諗左好多野。一D唔誇張，毒女出城見識，個心係好亂。
「咦，稀客喎，樓上呀乖乖女Step做咩咁好落黎玩既？」Parsons一見到我地就講。
「Step話考完試無野做好悶，咪叫佢落黎囉。」Felix話。
「好呀，過黎一齊打牌吖。」姣底Mandy好Nice咁叫我過去。
「6條友突腳喎。琴日岩岩入左貨，飲野玩下酒Game啦。」Parsons話。
「好喎！Exam成兩個禮拜無飲啦屌。」MK Carmen興奮咁講。
我望住書生係櫃度拎左幾枝巨型寫住Vodka同Whisky既野。Felix出Common拎左D冰、汽水、果汁、啤酒返黎。咁大張書枱擺滿晒酒同酒杯，下，我地6個人點飲到咁多？Mandy去熄燈，開埋盞Disco燈，成間房都係紅紅綠綠既燈，加埋歐美音樂，轉眼間好似落左Club咁，會唔會Pro左D。我望住D酒，想講我唔飲酒架，但佢地Ready晒開場，要講好似已經太遲。。。
好啦，Stephanie，你又話要做Player過淫亂既大學生活，你唔係淆底走人呀嘛？
Felix察覺到我有D淆底既眼神，望住我講：「輕鬆飲～唔洗驚～」
話口未完，Parsons已經大叫：「我地今晚不醉無歸！！！！！飲到全部斷片先準走！！！！！」
Um…. 咁樣叫輕鬆飲麼？
其實，我連圍枚都唔太識玩，又唔敢講。
「收晒」「Stephanie，飲！」「追殺！」「Step你又輸啦！」
書生睇個樣斯斯文文，玩起上黎咁鬼狼死！追殺我幾次既書生話：「Stephanie，到你啦！」
「開晒！」我口快過手，就亂講左。
「邊有人叫開晒自己又收架！」「飲啦！」全場對住我大叫。
我諗住拎個杯啤酒飲。
「唔得喎，你輸咁多場！飲返Shot先啦起碼。」MK Carmen拎左杯Vodka shot俾我。
咁細杯應該無野掛，我拎起隻杯一飲而盡。嘩屌，成杯火酒吞落肚咁，好撚難飲。
「咳咳。」飲完shot酒精好快上腦。我開始融入呢個紫醉燈迷既環境，適應左嘈雜既音樂，開始醉醉地，好似聽唔到D人up乜，唉，呢次飲酒我個胃都交左唔小學費。
大家都開始醉醉地。我望到對面既Mandy姣向Parsons，成個身捱晒落佢度。MK Carmen直頭兩隻腳long係書生大脾度，書生對手輕輕咁放左佢對大脾上面。果然醉翁之意係不在酒。可能我同Felix唔太熟既關係，佢對我幾規距，個身無掂過我。凌晨4點，大家聽住音樂休息，無再玩。
D音樂好煽情，好有mood。飲完酒wing下wing下，加上置身於咁既環境，唔怪得D人會酒後亂性，原來好合理，因為家陣我都好想扑野。
我知再咁落去我好快收皮，趁而家靜左返房先。再飲多Round一定嘔又唔知做D咩。
「喂，我差唔多啦！返去先。」我拍一拍格離既Felix，起身就走。
Felix腳步浮浮咁跟埋我出去，「送埋你返房啦。」
「下？唔。。唔洗啦掛。。。」陣間由乜易跟我入房就鎖埋門食左我架？
雖然我好想做Player，但我未Ready俾你食架喎。。。
總之，Stephanie你唔可以亂黎！！一定唔可以俾佢入房！！
Felix陪我等lift到行返房，其間都無講過野，一片奇怪尷尬既氣氛？佢係度諗緊咩呢。。。
打開房門，原來我Roomate今晚無返黎喎，可能去左男朋友度訓啦。
我忘記左Felix既存在，極速返上床攤屍，即刻昏迷左，好辛苦。。。
我都係死頂先可以撐到正常咁返房。。。
早抖啦，Stephanie。。。