「奇幻，純愛」《我，總是會愛上妳》: 相遇

我：「lulu呀，我今日要去採訪呀，可能趕唔切返黎同你地食飯，你地自己食啦。」

lulu：「採訪？咩採訪咁威呀連飯都唔同我地食呀？」

我：「唔…點講好呢，老闆突然話無聊得濟俾左個專欄位我任我寫，所以我就去取下材啦。」

lulu：「咁勁呀，咁你就加油啦，但係唔好做到咁夜喎，自己要小心啊。」

我：「得啦長氣，警告你唔好又send d野食相過黎呀，我真係會打你架。」

lulu：「哈哈，睇下我心情囉，係咁先啦Bye Bye。」

我：「嗯，Bye Bye。」

呢個傻佬，性格好似突然變左咁多既，成日都咁開心，換轉係平日一定會係咁話好麻煩好麻煩。

可能係因為諗通左之前做野個D煩惱啦，嘛呢d變化又唔係咩壞事由它去吧。

話時話，到底個專欄寫乜好呢。我想借呢個難得既機會抒下情添，試下自己文筆。

但係寫抒情野都需要d靈感先得架，咁樣坐係office都唔會變到d乜靈感idea出黎。

去邊好呢？我又想離開d高樓大廈，啊我諗到喇。

我要去馬鞍山，個度有一個好有回憶既地方。

一決定左要去馬鞍山我就立刻收拾行裝，離開左office，跳上一架開往馬鞍山既巴士。

對上一次去係幾時呢？唔記得左lu，不過我好清楚記得第一年同佢過既情人節就係係馬鞍山過。

係幾多年前既呢？嘩原來已經係十幾年前既事，時間過得真係快得恐怖，仔女都已經有兩個。

係入去馬鞍山既途中，我不斷諗起種種往事，好似佢係舞會同我跳舞，我向佢求婚，Chase仲有Nicole出世個陣。

不過真係無諗過佢呢個人而家會做到一個稱職既爸爸。

佢係我眼中總係傻傻呆呆又帶幾分可愛，永遠都係一個大細路，但必要時又會好可靠。

正正因為咁，我先會比佢吸引住。

死喇諗到喊左添，點解我會咁既，好奇怪耶哈哈。

「下一站xxxx..」

咦原來到喇，快d落車先得。

我急急用手擦走臉上既眼淚，之後就落左車。

一落車，我就企左係原地，郁都無郁。

眼前既呢份光㬌，同十幾年前真係一模一樣，樓梯既顏色，商場既外牆，的士站既燈光都係同以前一模一樣。

我見到咁笑左一下，因為我發現左一件事。

我對佢既感情同呢片光景都係一樣，十幾年來都無變過，我仲係咁愛佢。

諗到啦，專欄既標題。

就叫「我，總是愛著你。」啦。

馬鞍山仍然好靚，心形石依舊健在，只係人變多左，但無損我既心情。

我坐係一舊石頭上，吹住海風望住個海。

果一日既事我仲記得好清楚，黃昏個陣佢帶我黎呢度睇風景，我仲拎左D親手整既曲奇比佢食，佢仲好搞笑咁叫我飲左啖荼先之後先俾自己飲，話咁做之後佢就會聽哂我話。

而家諗返都覺得好好笑，點解當時佢可以諗到d咁肉麻既說話架呢？