「奇幻，純愛」《我，總是會愛上妳》: 轉移

晨哥：「嘛，費事你日日對住四幅牆咁悶，而且俾你吸收下出面既新鮮空氣都係好事。」

「我準備左一間獨立屋，個度環境清靜，空氣又好，好適合休養。」

「我已經係果度set好埋醫療crew，可以全天候照顧你，Uncle Auntie同埋美星姐都可以住埋入去添。」

就係咁，我終於離開左間研究所，準備同老豆老母仲有美星去晨哥為我準備個間屋。

一踏出研究所，我忍唔住深呼吸左一下，品嚐新鮮既空氣，抬頭望下好耐無見既太陽。





見到，體會到呢兩樣好耐無見既野，成個人既心情都好d。

不過又再麻煩到晨哥，真係唔係幾好意思，我又係度諗我到底值得大家對我咁好咩。

明明我咩都無為大家做過，點解大家都對我咁好。

過左無耐，我地就到左間屋。

我落車一睇，嚇到我傻左。





哇…呢間屋完全係tvb拍劇同D節目介紹個d豪宅既level黎架喎…

晨哥：「喂，呆左係度做乜。仲唔入去？」

我：「唔係，咳咳..晨哥你要我住呢度？會唔會太過誇張呀…」

晨哥：「嘛…差唔多啦，呢D地方既住宅都係咁上下大細，快D入去啦，要幫你check下先。」

我：「哦哦…」





真係太大啦掛..？入到去個樓底高到呢…抬高個頭抬到條頸都痛。

之後我去左一間睡房，入面set好哂機，應該就係我之後既睡房了。

呢度比研究所好千百萬倍，至少完全無壓迫感，好似去渡假咁。

之後有一批醫生護士黎幫我check呢check路，話完一切正常之後就走左，又留低我同晨哥兩個。

晨哥：「點呀，鐘唔鐘意呢度？」

我：「呃…鐘意，呢D正過研究所多多聲，不過…」

晨哥：「嗯？不過D咩？有野唔滿意？」

我：「唔係！我無野唔滿意，只係我覺得唔洗對我咁好啫…」





晨哥：「屌講呢D，我地兄弟黎架嘛，邊有得計。」

「咁你係度好好休息，等我帶好消息黎啦，我落去睇埋個手術室先。」

我：「哦，慢行啦。」

咦…咪住先？佢岩岩係咪話手術室？

呢間屋都有手術室？真係估佢唔到，神果然係無法捉摸。

不過兄弟啊…俾佢咁講搞到好想見下肥豬佢地添。

但最想見既，始終都係佢呀…





呢個景觀，可以同佢一齊睇的話真係死然無憾…